12.10.2026 | 15:36
Ադրբեջանի դպրոցներում զանգվածային բողոքի ցույցեր են անցկացվել․ հաղորդվում է սոցցանցերի խափանումների մասին․ ՏԵՍԱՆՅՈՒԹ
Առայժմ որևէ գործընթաց չենք սկսել․ Կարմիր Խաչի ներկայացուցիչը՝ դիակների դուրսբերման մասին
26.10.2020 | 19:02
Արցախա-արդբեջանական հակամարտության գոտում մնացած դիակների դուրսբերման որևէ գործընթաց դեռևս չի սկսվել։ Այս մասին Factor.am-ի հետ զրույցում տեղեկացրեց Կարմիր Խաչի հայաստանյան գրասենյակի մամուլի պատասխանատու Զառա Ամատունին։
«Ներգրավված կողմերի երկկողմանի համաձայնություն է պետք, որպեսզի Կարմիր Խաչը սկսի իր գործողություններն իրականացնել։ Ինչ վերաբերում է ընթացքին, քննարկումներն ընթացքի մեջ են, բայց առայժմ որևէ գործընթաց չի սկսվել»,- նշեց Կարմիր խաչի ներկայացուցիչը։
Վերջինս հաստատեց, որ այցելել են գերեվարված Ազնիվ Բաղդասարյանին, ստուգել նրա պահման պայմանները․ «Այցելել ենք Ազնիվ Բաղասարյանին, հնարավորություն ենք ունեցել հարազատների հետ կապ հաստատելու, ըստ մեր ընթացակարգերի, ստուգել ենք պահման պայմանները, առողջական վիճակը, ինչպես մենք պարբերաբար անում ենք, երբ ունենում ենք հնարավորություն այցելելու մարդկանց, ովքեր գերության մեջ են հայտնվում»։
Ինչ վերաբերում է հայ ռազմագերիների վերաբերյալ տեղեկություններին, Զառա Ամատունին նշեց, որ որևէ թիվ չեն կարող ներկայացնել: «Գերիների ընտանիքների հետ կապի մեջ ենք, իշխանությունների հետ կապի մեջ ենք, հանրային հարթակում չենք կիսում որևէ ինֆորմացիա, որը վերաբերում է այդ անձանց»,- նշեց նա։
Անժելա Պողոսյան
