25.02.2026 | 17:23
Միրզոյանը Ժնևից մեկնել է Վարշավա
Երեկ պատժիչ հակահարվածներ են հասցվել ադրբեջանաթուրքական զորքին. իրավիճակը Բերձորում. ՏԵՍԱՆՅՈՒԹ
26.10.2020 | 11:36
Հակառակորդը Արցախում հումանիտար աղետ ստեղծելու նպատակ ունի: Երեկ կրկին թիրախավորվել է Բերձոր-Գորիս ավտոճանապարհը: ՊԲ-ը աշխարհազորի գործուն աջակցությամբ պատժիչ հակահարվածներ է հասցրել ադրբեջանա-թուրքական զորքին և միջազգային ահաբեկիչներին:
Հակառակորդի հրետակոծությանը Բերձորում արդեն հարմարվել են, գործում են առևտրային կետերն ու սպասարկման կենտրոնները: Բերձորի քաղաքապետ Նարեկ Ալեքսանյանի խոսքով՝ հակառակորդի ծրագիրը պարզ է, այն տապալելու մրջոցները ևս:
Քաշաթաղի շրջանի պաշտպանությանը միացել են նաև փրկարարները, հիմա բոլորը հայրենիքի պաշտպանի մասնագիտությունն ունեն: «Պետք է փրկել հայրենիքը, որ արևի տակ ապրելու տեղ ունենանք»,- ասում են տղաներն ու վստահեցնում՝ մեր մարտական ոգին բարձր է, ներխուժման փորձի դեպքում անմիջապես կոչնչացնենք:
Փրկարարներից ոչ հեռո ոստիկաններն են, նրանք նույնպես մարտական են տրամադրված՝ համոզված են՝ արտաքին վտանգի դեպքում ներքին անվտանգության խնդիրները կարգավորվում են: «Բոլոր ոստիկանները պատրաստ են հայրենիքի հանդեպ իրենց պարտքը կատարել»: «Միասնական ուժ պետք է կազմենք, որպեսզի կարողանանք թշնամուն դիմակայել»,- ասում են ոստիկանները:
Քաշաթաղի շրջանում մարտերը շարունակվում են, աշխարհազորի գործուն աջակցությամբ Զինված ուժերը մեծ վնասներ են պատճառում նախահարձակ հակառակորդին:
Մանրամասները՝ տեսանյութում:
