15.12.2025 | 21:51
Ռուսաստանում Pussy Riot խումբը հայտարարվել է «ծայրահեղական կազմակերպություն»
Էրդողանը հայտարարել է ՌԴ-ի հետ հավասար ԼՂ հակամարտությունը լուծելու` Թուրքիայի իրավունքի մասին
Քաղաքականություն
23.10.2020 | 16:46
Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան մյուս երկրների, այդ թվում՝ Ռուսաստանի հետ հավասար իրավունք ունի մասնակցելու ԼՂ հակամարտության կարգավորմանը, փոխանցում է ՌԻԱ Նովոստին։
«Եթե Ռուսաստանը ցանկանում է մասնակցել ղարաբաղյան հակամարտության լուծմանը, ապա Թուրքիան նույնպես կարծում է, որ ոչ պակաս իրավունք ունի նման մասնակցության: Ես այդ թեմայով Ռուսաստանի բացասական դիրքորոշման մասին որևէ լուր չեմ լսել»,- ասաց Թուրքիայի նախագահը:
Ըստ նրա՝ արտաքին խաղացողները պետք է ավելի ակտիվորեն աջակցեն ԵԱՀԿ Մինսկի խմբին Լեռնային Ղարաբաղի շուրջ ստեղծված ճգնաժամը լուծելու ուղիներ գտնելու հարցում:
«Մենք շարունակում ենք աշխատել Ռուսաստանի հետ Սիրիայի և Լիբիայի հարցերով: Հուսով եմ, որ կկարողանանք ճիշտ քայլեր ձեռնարկել Ղարաբաղի հարցում և վերջապես կլուծենք այս խնդիրը»,- հավելել է Էրդողանը:
Տաթև Ֆռանգյան
