19.01.2026 | 23:21
Ֆրանսիական հեռուստատեսությունն առաջին անգամ ցուցադրել է Լուվրի կողոպուտի կադրերը. ՏԵՍԱՆՅՈՒԹ
Ռուսաստանում 20 ահաբեկիչ է չեզոքացվել
Քաղաքականություն
23.10.2020 | 11:58
Ռուսաստանի Անվտանգության դաշնային ծառայության աշխատակիցները Կարաչաևո-Չերկեսիայում ու Դաղստանում բացահայտել են «Աթ-Թաքֆիր Վալ-Հիջրա» միջազգային ահաբեկչական խմբավորման երկու բջիջ, որոնք կոչ են արել մերժել աշխարհիկ իշխանություններին և խալիֆայություն կառուցել, հայտնել են ՌԴ հատուկ ծառայությունները, գրում է ՌԻԱ Նովոստին։
«Կարաչաևո-Չերկեսիայի Մալոկարաչաևսկի շրջանում և Դաղստանի Մախաչկալա, Կասպիյսկ և Իզբերբաշ քաղաքներում բացահայտվել է «Աթ-Թաքֆիր Վալ-Հիջրա» միջազգային ծայրահեղական կրոնական կազմակերպության ավելի քան 20 հոգուց բաղկացած երկու բջիջների գործունեությունը»,- ասվում է տարածված հայտարարության մեջ:
ԱԴԾ-ից հայտնում են, որ «թաքֆիրիտները» քարոզել են արմատական գաղափարախոսություն և հավաքագրել են կողմնակիցների:
«Նրանք հավատացյալներին կոչ են արել մերժել աշխարհիկ օրենքներն և քաղաքացիական հասարակության ինստիտուտները, ինչպես նաև կոչ են արել Հյուսիսային Կովկասի տարածքում Իսլամական պետություն-խալիֆայություն ստեղծել»,- ասվում է հաղորդագրության մեջ:
Իսլամիստներից առգրավել են երեք նռնակ, երեք ատրճանակ՝ տարբեր տրամաչափի պարկուճներով, սառը զենք, ինչպես նաև մեծաքանակ ծայրահեղական գրականություն:
Տաթև Ֆռանգյան
