18.11.2024 | 15:33
«Արմավիր» ՔԿՀ-ի ծառայող է ձերբակալվել
Մենք ցանկանում ենք ապահովել ԼՂ հակամարտության կայուն կարգավորումը․ հակամարտությունը չափազանց լուրջ է․ Յենս Ստոլտենբերգ․ ՏԵՍԱՆՅՈՒԹ
Քաղաքականություն
22.10.2020 | 20:45
ԼՂ հակամարտությունը չափազան լուրջ խնդիր է։ Մենք ականատես ենք լինում ռազմական գործողությունների, մենք տեսնում ենք մեծ թվով զոհեր։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
«ԼՂ հակամարտությունը չափազան լուրջ խնդիր է։ Մենք ականատես ենք լինում ռազմական գործողություններին, մենք տեսնում ենք մեծ թվով զոհեր, տեղեկացվում է քաղաքացիական բնակչությանը թիրախավորելու մասին։ Մեծ է քաղաքացիական անձանց շարքում զոհերի թիվը։ Սա լուրջ խնդիր է, և բոլոր դաշնակիցներն անհանգստացած են։ Սակայն սրա հետ մեկտեղ, պետք է նշեմ, որ ՆԱՏՕ-ն չի հանդիսանում հակամարտության կողմ»,- հայտարարել է Ստոլտենբերգը՝ նշելով, որ անհրաժեշտ է հասնել հակամարտության խաղաղ կարգավորմանը, չնայած այն այդքան էլ հեշտ չէ։
«Մենք ցանկանում ենք հաստատուն քաղաքական կարգավորում։ Դրա համար մեզ անհրաժեշտ է ռազմական գործողությունների դադարեցում»,- հայտարարել է ՆԱՏՕ-ի ղեկավարը՝ կրկին կոչ անելով Հայստանին ու Ադրբեջանին դադարեցնել ռազմական գործողությունները։
Ստոլտենբերգը նաև հույս է հայտնել, որ Թուրքիան կօգտագործի տարածաշրջանում իր ազդեցությունը հակամարտության խաղաղ կարգավորման համար։
