17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
Մոսկվայի շրջանում ահաբեկչություն է կանխվել․ ահաբեկիչը ցանկացել է պայթեցնել պետական կառույցներից մեկի շենքը
Քաղաքականություն
22.10.2020 | 17:27
Ռուսաստանի Անվտանգության դաշնային ծառայությունը Մոսկվայի շրջանում ահաբեկչություն է կանխել: Ձերբակալվել է ծագումով Կենտրոնական Ասիայից քաղաքացի, որը ցանկացել է պայթեցնել պետական կառույցներից մեկը, այս մասին հայտնել են ՌԴ հատուկ ծառայությունները, գրում է ՌԻԱ Նովոստին:
«Մայրաքաղաքի շրջանում կանխվել է ահաբեկչություն: Ձերբակալվել է 1999 թվականին ծնված ծագումով Կենտրոնական Ասիայից քաղաքացի»,- ասվում է հաղորդագրության մեջ:
Հետաքննության տվյալներով՝ միջազգային ահաբեկչական կազմակերպությունների զինյալների ցուցումով նա պատրաստվում էր ինքնաշեն ռումբ պայթեցնել «պետական շենքերից մեկում»:
Հետագայում երիտասարդը ցանկանում էր մեկնել Մերձավոր Արևելք՝ կռվելու ահաբեկիչների շարքերում: Հանցագործի թաքստոցում հայտնաբերվել են ինքնաշեն ռումբի բաղադրիչներ: Հայտնաբերվել են նաև զինյալների հետ նրա նամակագրությունը, պայթուցիկ նյութեր պատրաստելու հրահանգներն և ահաբեկիչների ղեկավարներին երդման տեսանյութը:
Թե կոնկրետ որտեղ և երբ էր նա ծրագրել կազմակերպել պայթյունը, չի տեղեկացվում: Հետաքննությունը շարունակվում է:
Տաթև Ֆռանգյան
