17.09.2026 | 20:09
Ֆուտզալի Հայաստանի հավաքականը հաղթեց Մոլդովային
ՄԻԵԴ-ը Թուրքիային մեղավոր է ճանաչել խոսքի ազատության իրավունքը ոտնահարելու համար
Քաղաքականություն
21.10.2020 | 17:23
Մարդու իրավունքների եվրոպական դատարանը (ՄԻԵԴ) հոկտեմբերի 20-ին Թուրքիային մեղավոր է ճանաչել երկու գիտնականների խոսքի ազատության ոտնահարման համար։ Ստրասբուրգի դատարանը վճռել է ակադեմիկոսներ Իբրահիմ Քաբօղլուին ու Բասքըն Օրանին հատկացնել 2000-ական եվրո փոխհատուցում, գրում DW-ի ռուսական ծառայությունը։
Թուրքիայի արդարադատությունը 2005 թվականին գիտնականներին մեղադրել է «ատելություն հրահրելու» ու «արդարադատության պետական մարմիններին խայտառակելու» մեջ։ Մեղադրանքներն առաջադրվել են այն պատճառով, որ ակադեմիկոսները Թուրքիայում ազգային փոքրամասնությունների իրավունքների ոտնահարման վերաբերյալ զեկույց են հրապարակել, որը երկրում թեժ քննարկումների առարկա է դարձել։
Քաբօղլուն ու Օրանը Ստրասբուրգի դատարան էին դիմել 2007 թվականին, իսկ 2008 թվականին դատարանը հանել էր նրանց առաջադրված բոլոր մեղադրանքները։ Սակայն 3 տարի տևած հետաքննությունն ակադեմիկոսների վրա անխուսափելի ճնշում է գործադրել ու հանգեցրել ինքնագրաքննության, ասվում է ՄԻԵԴ-ի որոշման մեջ։
Տաթև Ֆռանգյան
