09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Վիճաբանություն ԱԺ-ում. «Ծառուկյան» ու «Ելք» խմբակցությունները լքեցին նիստերի դահլիճը
Քաղաքականություն
20.12.2017 | 12:03
Կառավարության կողմից ներկայացված ՀՀ «Դատական օրենսգրքում փոփոխություններ և լրացումներ կատարելու մասին» և կից ներկայացված նախագծերի փաթեթի քվեարկության ընթացքում խորհրդարանում վիճաբանություն տեղի ունեցավ:
Մինչ քվեարկությունը «Ելք» խմբակցության ղեկավար Նիկոլ Փաշինյանը կոչ արեց «Ծառուկյան» խմբակցությանը չմասնակցել քվեարկությանը, որպեսզի նախագիծը չընդունվի:
Նշենք, որ փաթեթի ընդունման համար անհրաժեշտ էր պատգամավորների ընդհանուր թվի ձայների առնվազն 3/5 –ը: Երկու խմբակցությունները, համարելով, որ առաջարկվող փոփոխությունները բացասաբար են անդրադառնալու մասնավորապես փաստաբանների գործունեության վրա, որոշեցին բոյկոտել քվեարկությունը: Նախագծի փաթեթը դրվեց քվեարկության, կողմ քվեարկեց 63 պատգամավոր:
«Ելք»-ից մինչդեռ պնդեցին՝ ապօրինի քվեարկություն է տեղի ունեցել և պահանջեցին կրկնել քվեարկությունը: Հանրապետականը, սակայն, համառորեն չկրկնեց քվեարկությունը: «Ելք»-ից Արարատ Միրզոյանը պարզաբանեց՝ «Ծառուկյան» խմբակցությունից Նապոլեոն Ազիզյանը չի քվեարկել, սակայն քվեարկությամբ կողմ է ցույց տալիս: Հանրապետականն այդպես էլ շարունակեց պնդել՝ ապօրինություն չի եղել, որին հետևեց ընդդիմադիր երկու խմբակցությունների՝ դահլիճը լքելու փաստը:
Մանրամասները՝ տեսանյութում:
Շողիկ Գալստյան
