16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Միջազգային գործընկերների մոտ խնդրի ընկալման առումով տեղաշարժ կա. Էնֆիաջյան. ՏԵՍԱՆՅՈՒԹ
Քաղաքականություն
21.10.2020 | 15:51
Բազմիցս տարբեր մակարդակներով բարձրաձայնվել է, որ հայկական կողմը մշտապես պատրաստ է եղել բանակցությունների և արցախյան խնդրի խաղաղ կարգավորմանը, այսօր էլ ասում ենք, որ խնդիրը ռազմական լուծում չի կարող ունենալ: Այս մասին Factor.am-ի հետ զրույցում ասաց ԱԺ փոխնախագահ Վահե Էնֆիաջյանը՝ հավելելով, որ Ադրբեջանի կողմից Թուրքիայի հրահրմամբ սանձազերծված գործողությունները տրամաբանությունից դուրս են:
«Այս գործընթացներն իրենց ազդեցությունն են ունենալու ոչ միայն մեր տարածաշրջանում, այլ նաև ամբողջ աշխարհում. ազդեցությունների գոտիների բաժանման, նոր վերաձևակերպումների ու վերաիմաստավորման գործընթացներ են տեղի ունենում: Այս առումով Ռուսաստանի դերակատարումը մշտապես Հայաստանում բարձր է գնահատվել»,- նշեց ԱԺ փոխնախագահը՝ հավելելով, որ այլընտրանքային գործընկերներ նույնպես պետք է ունենալ, բայց հիմնական ռազմավարական գործընկեր երկրի հետ հարաբերությունները միշտ պետք է պահել բարձր մակարդակի վրա:
Անդրադառնալով դիտարկմանը, որ վարչապետ Փաշինյանն իր հարցազրույցներից մեկում նշել էր, որ բանակցություններ վերսկսելու մեկնարկային կետը պետք է լինի Արցախի ինքնորոշման ճանաչումը, Վահե Էնֆիաջյանը նշեց, որ այս փուլում միջազգային հարթակներում պետք է կարողանալ խնդիրը գործնական տեսքի բերել: Նա նաև նկատեց, որ միջազգային գործընկերների մոտ խնդրի ընկալման առումով տեղաշարժ կա, բայց անհրաժեշտ է, որ դա գործնական տեսք ստանա:
Մանրամասները՝ տեսանյութում:
