30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Ո՞րն է Հայաստանի ու Ադրբեջանի միջև խաղաղության հասնելու առաջին քայլը․ Washington Post
Քաղաքականություն
21.10.2020 | 16:43
Washington Post-ի վերլուծաբան Դեյվիդ Իգնատիուսը գրում է, որ Լեռնային Ղարաբաղում բնակվող հայերը կարծես թե նույնքան ամուր ու անտեղաշարժելի են, ինչպես լեռները, որոնք շրջապատում են այդ տարածքը։ Իգնատիուսը ԼՂ բնակիչների մասին նման կարծիք է կազմել չորս տարի առաջ Արցախ այցելությունից հետո։
«Մենք ենք մեր սարերը», գրված է ԼՂ մայրաքաղաքի օդանավակայան տանող ճանապարհին տեղադրված հսկայական քարե արձանի վրա, հիշում է լրագրողը։
«Ադրբեջանի կողմից թուրքական ու իսրայելական ԱԹՍ-ների կիրառումը խախտել է ԼՂ հակամարտության հավասարակշռությունը՝ ստիպելով ամուր ու մարտերում կոփված հայերին անցնել պաշտպանության»,- գրում է սյունակագիրը և ԱՄՆ պետքարտուղար Մայք Պոմպեոյին, որը պետք է ուրբաթ հանդիպի Հայաստանի ու Ադրբեջանի արտգործնախարարների հետ, պարզ առաջարկ անում․ «Ղարաբաղում բանակցությունների ու կայունության իրական ճանապարհը կարող է սկսվել անկլավի վրա ոչ թռիչքային գոտու ստեղծմամբ։ Պոմպեոյի առջև լուրջ խնդիր կա դրված։ Այս ամիս Ռուսաստանն ու Ֆրանսիան հրադադարի մասին երկու պայմանավորվածություն են ձեռք բերել, սակայն երկուսն էլ ձախողվել են։ Անհրաժեշտ է ծրագիր, որն անմիջապես կներառի ԵԱՀԿ Մինսկի խմբի համանախագահներին ղարաբաղյան հակամարտությունում և հարթակ կստեղծի ինքնավարության ու փախստականների հիմնական խնդիրների լուծման համար»։
Ըստ վերլուծաբանի՝ պատերազմի սկզբում Ադրբեջանը դիմադրում էր ցանկացած հաշտության, սակայն երբ երեքշաբթի գրոհող ադրբեջանական ուժերը Ղարաբաղի հարավ-արևմուտքում հետ շպրտվեցին հայկական ուժերի կողմից, սա կարող է Երևանին Բաքվի վրա ազդելու ավելի մեծ լծակներ տալ։
Տաթև Ֆռանգյան
