01.07.2026 | 14:18
«Եթե Փաշինյանի խոսքը և վարքագիծը համարվում է իրավաչափ, ապա մի դժգոհեք Վարդան Ղուկասյանի բառապաշարից»․ ՏԵՍԱՆՅՈՒԹ
Գյանջայի մասով ԵՄ-ից եղավ արձագանք, իսկ Ստեփանակերտի մասով՝ ոչ, մեր դիվանագիտությունն անելիք ունի. Մարուքյան. ՏԵՍԱՆՅՈՒԹ
Քաղաքականություն
21.10.2020 | 13:40
Իմ ակնկալիքն այն է, որ հրադադարի և հումանիտար զինադադարի վերաբերյալ Ռուսաստանի և Ֆրանսիայի միջնորդությամբ ձեռք բերված համաձայնությունը կայանա: Այս մասին լրագրողների հետ ճեպազրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Հայաստանի և Ադրբեջանի ԱԳ նախարարների՝ այսօր Մոսկվա մեկնելու փաստին:
«ՌԴ-ն պոզիտիվ պարտականություն ունի՝ պարտադրելու ձեռք բերված պամանավորվածությունները: Բոլոր իրավական հիմքերը կան՝ ուժ կիրառելու, խոսքը հակաահաբեկչական գործողությունների մասին է: Տեռորիստներին հարվածելը համարվում է լեգիտիմ թիրախ, և ՌԴ-ի կողմից նման գործողություն իրականացնելու իրավունքները վերջին 20 օրում ձևավորված են», – ասաց պատգամավորը:
Նա նաև կարծիք հայտնեց, որ քանի դեռ հումանիտար հրադադարը չի կայացել, Փաշինյան-Ալիև հանդիպում տեղի ունենա:
Անդրադառնալով ՀՀ նախագահ Արմեն Սարգսյանի՝ Բրյուսել մեկնելու և այնտեղ մի շարք բարձրաստիճան գործիչների հետ հանդիպումներ ունենալու հանգամանքին, Մարուքյանն ընդգծեց, որ այդ այցը կարևոր է, և միգուցե ավելի շուտ էր պետք կազմակերպել՝ միջազգային հանրության գնահատականներն ավելի թիրախային և օբյեկտիվ դարձնելու համատեքստում:
«Օրինակ, մինչ Գյանջային հարվածելը, կասետային ռումբերով Արցախի մայրաքաղաքն ու այլ քաղաքներն էին ռմբակոծվում, բայց ոչ մի հայտարարություն այդ մասով չի եղել: Սա նշանակում է, որ մեր դիվանագիտությունը բացթողումներ ունի, և այդ բացթողումները պետք է վերականգնվեն: Եթե հայտարարություն չի արվում Ստեփանակերտի մասով, չպետք է արվի նաև Գյանջայի մասով», – նշեց Մարուքյանը:
Մանրամասները՝ տեսանյութում:
