04.11.2026 | 13:51
Երեմյան կաթնամթերքում խախտումներ չեն հայտնաբերվել․ ընկերությունը ներկայացրել է փորձաքննությունների արդյունքները․ ՏԵՍԱՆՅՈՒԹ
Ալիևը «մտահոգված է» ՌԴ-ից Հայաստան «զենքի փոխադրման» առիթով
Քաղաքականություն
19.10.2020 | 20:43
Մենք ռուսական կողմին փոխանցել ենք մեր մտահոգությունը, որ Լեռնային Ղարաբաղում հակամարտության ակտիվ փուլում ռուսական քաղաքներից հսկայական քանակությամբ զենք է փոխադրվել Հայաստանի տարածք։ Այս մասին ՏԱՍՍ-ին տված հարցազրույցում ասել է Ադրբեջանի նախագահ Իլհամ Ալիևը։
«Մենք տվյալներ ունենք, ունենք թռիչքների քարտեզներ, ունենք սպառազինության տեսակները։ Եվ այդ ամենը փոխանցվել է ռուսական կողմին»,- ասել է նա։
«Մեզ համար դժվար է հավատալ, որ Ռուսաստանը, որպես ԵԱՀԿ Մինսկի խմբի համանախագահ և երկիր, որը պետք է չեզոքություն պահպանի, ինչպես և Ֆրանսիան ու ԱՄՆ-ն, հակամարտության ակտիվ փուլում զինել է Հայաստանին: Մեր տեղեկություններով՝ այդ սխեմայում ներգրավված են հայկական ծագմամբ ռուսաստանցի խոշոր ձեռնարկատերեր և զենքի վաճառքով զբաղվող հայտնի գործարարներ, որոնք միջազգային պատժամիջոցների տակ են: Եվ ռուսական կողմին դիմելու նպատակներից մեկն այն էր, որպեսզի պարզվի այդ հարցը»,- հավելել է Ալիևը։ «»
