29.04.2026 | 14:33
Բաքվում Նիդերլանդների դեսպանը մեկնաբանել է երկրի խորհրդարանի կողմից Արցախի մասով ընդունված բանաձևը
Իշխանությունը չխաբեց ուսանողներին. Էդուարդ Շարմազանով
Հասարակություն
19.12.2017 | 14:37
ԱԺ փոխնախագահ Էդուարդ Շարմազանովը պնդում է՝ իշխանությունները չեն խաբել տարկետման իրավունքի սահմանափակման դեմ պայքարող «Հանուն գիտության զարգացման» նախաձեռնության անդամներին: Անդրադառնալով նախաձեռնության անդամների կողմից հացադուլը վերսկսելու որոշմանը՝ԱԺ փոխնախագահն ասաց.
«Խնդրում եմ իրենց դադարեցնել հացադուլը և վերադառնալ կառուցողական փուլ: Արտակ Զաքարյանն ասել է, որ բավական արդյունավետ քննարկումներ կլինեին, և իրենք ուսանողներից սպասում էին ոչ թե հացադուլ կամ ռադիկալ քայլեր, այլ առաջարկություններ»,- ասաց Շարմազանովը՝ նկատելով, որ ինքն անձամբ որևէ քննարկման չի մասնակցել, պարզապես կազմակերպել է ուսանողների և կառավարության ներկայացուցիչների համատեղ քննարկումները:
Իշխանության ներկայացուցիչը կարծում է, որ մաքսիմալիստական նպատակները կարող են հիասթափություն առաջացնել:
«Ես իրենց ասել եմ՝ եթե քսան բան ես առաջարկել և հինգն ընդունվել է, ապա դա էլ առաջընթաց է»,- նկատեց ԱԺ փոխնախագահը՝ չհամաձայնելով այն տեսակետի հետ, որ ուսանողների որևէ առաջարկ չի ընդունվել:
Հիշեցնենք՝ «Զինվորական ծառայության և զինծառայողի կարգավիճակի մասին» օրենքն արդեն ընդունվել է:
Մանրամասները՝ տեսանյութում:
