28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Ճիշտ չէ հակադրության տանել մեզ ու «Ծառուկյան» դաշինքին. Արամ Սարգսյան
Քաղաքականություն
19.12.2017 | 13:23
«Ելք» դաշինքը պարտավոր է մասնակցել Հայաստանում տեղի ունեցող բոլոր քաղաքական գործընթացներին: Այս մասին խորհրդարանում լրագրողների հետ զրույցում ասաց ԱԺ «Ելք» խմբակցության պատգամավոր Արամ Սարգսյանն՝ անդրադառնալով նախագահի պաշտոնում Արտակ Զեյնալյանի առաջադրման որոշմանը:
«Ուզում ենք ցույց տալ, որ մենք ընդդիմություն լինելով կարող ենք մեզ վրա վերցնել պատասխանատվություն իշխանություն դառնալու: Մենք ունենք թե՛ մարդկային, թե՛ մտավոր ռեսուրսներ, թե՛ ծրագրային նպատակներ, որոնք շատ ավելի իրատեսական են, քան այս Ազգային ժողովում կառավարության ներկայացրածը»,- նշեց Արամ Սարգսյանը:
Ըստ ընդիմադիր պատգամավորի՝ նախագահի պաշտոնում թեկնածու առաջադրելու որոշումը դրական ազդեցություն է ունենալու դաշինքի համար:
Հարցին՝ գուցե այդ բանակցություններից ի վերջո պարզվի՝ ընդդիմադիր է «Ծառուկյան» դաշինքը, պատգամավորը պատասխանեց. «Մենք ուզում ենք ցույց տալ, որ արժանի ուժ ենք իշխանությանը փոխարինելու: Իսկ ով է ընդդիմադիր, ով՝ ոչ, պետք է ինքն ապացուցի»:
Արամ Սարգսյանը խուսափեց նշել՝ «Ծառուկյան» դաշինքն իր կարծիքով ընդդիմադի՞ր է, թե՞ ոչ, այդուհանդերձ նկատեց՝ «Հայաստանի օրենքներով ընդդիմադիր են»:
Մանրամասները՝ տեսանյութում:
