13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Ռուսաստանն արգելել է 68 տոննա թուրքական մանդարինի մուտքը երկիր
Քաղաքականություն
16.10.2020 | 11:03
«Ռոսսելխոզնադզորն» արգելել է Թուրքիայից 68 տոննա մանդարինի մուտքը Տուապսեի ու Նովոռոսիյսկի նավահանգիստներ։ Այս մասին հայտնում է «Ռոսսելխոզնադզորի» Հարավային միջմարզային վարչությունը, գրում է «ՊոլիտՆավիգատորը»։
«Մի քանի խմբաքանակների ստուգման ժամանակ Թուրքիայից բերված 68․87 տոննա ընդհանուր կշռով թարմ մանդարիններում «Ռոսսելխոզնադզորի» Հարավային միջմարզային վարչությունը հայտնաբերել է ողջ վիճակում գտնվող կարանտինային օբյեկտ՝ միջերկրածովյան մրգային ճանճ։ Բեռի ներմուծումը Ռուսաստանի Դաշնության տարածք արգելվել է»,- ասվում է հաղորդագրության մեջ։
Նշվում է, որ մթերքը պետք է վաճառվեր Մոսկվային, Կրասնոդարի ու Նովոռոսիյսկի խանութներում։
Հիշեցնենք, որ ռուս-թուրքական հարաբերություններում ապրանքաշրջանառության հետ կապված խնդիրներ էին առաջացել այն բանից հետո, երբ 2015թ. նոյեմբերին թուրքական կործանիչը Սիրիայի սահմանին ոչնչացրեց ռուսական Սու-24 ռմբակոծիչ, երկու երկրների հարաբերություններում լարվածություն առաջացավ և Ռուսաստանը Թուրքիայի նկատմամբ տնտեսական պատժամիջոցներ սահմանեց, մասնավորապես՝ սահմանափակելով թուրքական ապրանքների ներմուծումը երկիր։ Արգելքը ներառում էր բանջարեղեն, մրգեր, մսամթերք:
Տաթև Ֆռանգյան
