27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Չավուշօղլուն հիմա էլ թյուրքալեզու պետություններին է կոչ արել ԼՂ հարցում աջակցել Ադրբեջանին
Քաղաքականություն
15.10.2020 | 15:11
Անկարան թյուրքալեզու պետությունների կոչ է անում Ադրբեջանի հետ համերաշխություն ցուցաբերել։ Թուրք-ղազախական Ահմեդ Յասավի անվան միջազգային համալսարանի ուսումնական տարվա բացման ժամանակ այս մասին հայտարարել է Թուրքիայի արտգործնախարար Մևլութ Չավուշօղլուն, գրում է «Անադոլու»-ն։
«Թյուրքալեզու պետությունները պիտի համերաշխություն ցուցաբերեն Ադրբեջանին։ Անկարան միշտ եղել է ու կմնա Բաքվի կողքին՝ «իր պատմական հողերի դեօկուպացիայի» համար պայքարում»,- ասել է թուրք նախարարը։
Նա նաև նշել է, որ տարածաշրջանը, որտեղ գտնվում է Թուրքիան, կան մեծ թվով կոնֆլիկտներ ու ագրեսիայի գործողություններ։ Չավուշօղլուն չի մոռացել նաև հերթական անգամ մեղադրել Հայաստանին։
«Հայաստանը հարձակվում է Ադրբեջանի հողերի վրա։ Որոշ երկրներ փորձում են Ադրբեջանը «օկուպանտ-Հայաստանի» հետ դնել կշեռի նույն նժարին։ Այդ երկրները արհամարհում են ՄԱԿ-ի ու ԵԱՀԿ-ի որոշումները։ Դրա համար Ադրբեջանի հետ համերաշխությունը, ինչպես երբևէ, շատ կարևոր է»,- ասել է Չավուշօղլուն։
Էմմա Չոբանյան
