16.12.2025 | 17:51
Բերդ քաղաքի որոշ հասցեներում ջուր չի լինի
Հակառակորդին հաջողվել է ինչ-որ տեղ մխրճվել և ճակատը տեղափոխել ավելի խորը․ Արայիկ Հարությունյան. ՏԵՍԱՆՅՈՒԹ
14.10.2020 | 13:05
Արցախի նախագահ Արայիկ Հարությունյանը տեսաուղերձով դիմել է համայն հայությանը։
«Սեպտեմբերի 27-ին Ադրբեջանի, Թուրքիայի և միջազգային ահաբեկչության կողմից Արցախի և հայ ժողովրդի դեմ սանձազերծված լայնածավալ պատերազմը շարունակվում է։ ՊԲ-ն այս ընթացքում շարունակում է հերոսաբար դիմադրել և ուժգին հակահարվածներ հասցնել թշնամուն՝ պատճառելով մարդկային և զինտեխնիկայի ահռելի կորուստներ։ Մարտերի ընթացքում իրենց լավագույնս են դրսևորում Մայր Հայաստանից և Սփյուռքից ժամանած մեր հայրենակիցները։
Հատուկ ուզում եմ ընդգծել հայրենիքի պաշտպանության գործում մեծ ներդրում ունեցած և պատերազմական հարուստ փորձ ունեցող մեր մարտական ընկերների մասնակցությունը, ինչպես նաև ժամկետային մեր հերոս երիտասարդներին։
Մենք տեսնում ենք նաև Ռուսաստանի և միջազգային հանրության ակտիվ ջանքերը պատերազմական գործողությունների դադարեցման ուղղությամբ, և բարձր եմ գնահատում այդ առաքելությունը։ Գիտեք, որ վերջերս եռակողմ ձևաչափով տեղի է ունեցել հանդիպում Մոսկվայում, ՌԴ նախագահի նախաձեռնությամբ, և հայտարարություն է արվել գոնե հումանիտար հրադադարի հետ կապված և հետագայում վերսկսել բանակցությունները։
Բայց հակառակորդը, օգտվելով առիթից, արդեն այդ հայտարարության հաջորդ օրվանից սկսել է ավելի հուժկու մարտական գործողություններ համարյա ճակատի ամբողջ երկայնքով, մանավանդ՝ հարավային ուղղությամբ։ Հակառակորդին հաջողվել է ինչ-որ տեղ մխրճվել, ինչ-որ տեղ ունենալ առավելություններ և օր-օրի ճակատը տեղափոխել ավելի խորը տարածքներ»,- նշել է Արայիկ Հարությունյանը:
Մանրամասները՝ տեսանյութում։
