28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Ալիևը կարծում է, որ ԼՂ հարցի կարգավորման միջնորդ երկրների կազմը պետք է նորացվի. ՏԱՍՍ
Քաղաքականություն
11.10.2020 | 13:41
Ադրբեջանի նախագահ Իլհամ Ալիևը կարծում է, որ Լեռնային Ղարաբաղի հակամարտության կարգավորման միջնորդ երկրների կազմը, որն այժմ գլխավորում են Ռուսաստանը, ԱՄՆ-ը և Ֆրանսիան, պետք է թարմացվի, և որ Թուրքիայի դերը հակամարտության կարգավորման գործընթացում պետք է ամպրապնդվի: Այս մասին նա հայտարարել է RBC հեռուստաալիքին տված հարցազրույցում, տեղեկացնում է ՏԱՍՍ-ը:
«Վերջերս ես իմ հարցազրույցներից մեկում ասացի, որ Մինսկի խումբը ստեղծվել է շատ տարիներ առաջ ՝ 1992-ին, բոլորովին այլ աշխարհաքաղաքական իրողություններով», – ասել Ադրբեջանի նախագահը՝ նշելով, որ «Կազմը պետք է արտացոլի հակամարտության կողմերի մտադրություններն ու ցանկությունները, իսկ Մինսկի խմբի կազմը գործնականում չի արտացոլում դա»:
«Շփման խմբի կամ աշխատանքային խմբի նոր կազմը, անկախ նրանից, թե դուք այն ինչպես կանվանեք, պետք է արտացոլի տարածաշրջանում առկա ուժերի հավասարակշռությունը, տարածաշրջանի երկրների շահերը, – կարծում է Ադրբեջանի նախագահը,- եթե մենք ուզում ենք լուծել հակամարտությունը, ապա այն պետք է լուծվի նոր ձևաչափի շրջանակներում»:
