19.09.2026 | 16:22
Երևանում կանցկացվի բժշկական զբոսաշրջության գլոբալ համաժողով
Դիվանագիտական խողովակներով աշխատանք է տարվում՝ կրակի դադարի համաձայնությունը կյանքի կոչելու համար․ ԱԳՆ խոսնակ
Քաղաքականություն
10.10.2020 | 15:39
Դիվանագիտական խողովակներով աշխատանք է տարվում՝ կրակի դադարի համաձայնությունը կյանքի կոչելու ուղղությամբ։ Այս մասին Ֆեյսբուքում գրել է ՀՀ ԱԳՆ խոսնակ Աննա Նաղդալյանը։
«Մարդասիրական նպատակներով կրակի դադարեցման մասին Հայաստանի, Ադրբեջանի և Ռուսաստանի միջև ձեռք բերված համաձայնությունը կյանքի կոչելու ուղղությամբ աշխատանքներ են տարվում բոլոր դիվանագիտական խողովակներով»,- գրել է Նաղդալյանը:
Հիշեցնենք, որ հոկտեմբերի 9-ին Մոսկվայում ՌԴ, Հայաստանի և Ադրբեջանի ԱԳ նախարարների մասնակցությամբ մեկնարկած և ռեկորդային՝ ավելի քան 11 ժամ տևած բանակցությունների արդյունքում ձեռք բերված պայմանավորվածությամբ՝ հոկտեմբերի 10-ին ժամը 12:00-ին ուժի մեջ է մտել Արցախի և Ադրբեջանի շփման գծի երկայնքով մարդասիրական նպատակով կրակի դադարեցման համաձայնությունը: Չնայած դրան՝ հակառակորդը ժամը 12:05-ին գրոհ են ձեռնարկել «Կարախանբեյլի» կոչվող տեղամասի ուղղությամբ։
