17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
Ալիևը հայտարարել է, թե ԼՂ հակամարտության կողմերը քաղաքական կարգավորման փուլ են մտել
Քաղաքականություն
10.10.2020 | 15:31
Իլհամ Ալիևը հայտարարել է, որ Լեռնային Ղարաբաղի հակամարտության շուրջ ներկայիս ճգնաժամի ռազմական մասն ավարտին է մոտեցել, և կողմերը դուրս են եկել քաղաքական կարգավորման փուլ։ Ադրբեջանի նախագահն այս մասին ասել է ռուսական ՌԲԿ-ին տված հարցազրույցում, որն ամբողջությամբ եթեր է հեռարձակվելու վաղը։
Նշելով, որ ԼՂ հակամարտության խաղաղ կարգավորման համար Բաքուն ու Երևանը կնստեն բանակցությունների սեղանի ԵԱՀԿ Մինսկի խմբի համանախագահների աջակցությամբ՝ Ալիևը վստահեցրել է, որ ադրբեջանական կողմը պատրաստ է վաղն էլ դա անել, բայց՝ «իր պայմաններով»։
«Ռազմական մասը կամ դրա առաջին մասը մոտեցել է ավարտին։ Հիմա մենք դուրս ենք եկել քաղաքական կարգավորման փուլ, որը կապահովի, որպեսզի մենք հասնենք վերջին»,- ասել է Ալիևը։
Նա, սակայն, կրկին հայտարարել է, որ հակամարտության վերջնական լուծման համար «Հայաստանը պիտի համակերպվի նրա հետ, որ այդ տարածքները պատկանում են Ադրբեջանին»։
