09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թուրքիան կրկին քննադատել է ԵԱՀԿ Մինսկի խմբի համանախագահների՝ ԼՂ-ում լարվածության թուլացմանն ուղղված ջանքերը
Քաղաքականություն
09.10.2020 | 20:14
Անկարայում մեկնաբանել են ԵԱՀԿ Մինսկի խմբի համանախագահների՝ Լեռնային Ղարաբաղում լարվածությունը թուլացնելու ուղղությամբ գործադրվող ջանքերը։
Թուրքիայի նախագահի մամուլի խոսնակ Իբրահիմ Քալընը Al Jazeera-ի հետ զրույցում ասել է, որ եթե համանախագահները նորից սահմանափակվելու են կրակի դադարեցման կոչերով, ապա դա ոչնչի չի բերի։
«Միջնորդները արդեն 30 տարի հաշտության կոչերից այն կողմ չեն գնում։ Խաղաղություն տարածաշրջան կգա միայն Հայաստանի ԶՈՒ-ի «Ադրբեջանի տարածքներից դուրսբերումից» հետո»,- ասել է Քալընը։
Նա հայտարարել է, թե Մինսկի խումբը շատ քիչ քայլեր է ձեռնարկել խնդրի լուծման համար։
«Թուրքիան կողմ է արյունահեղության դադարեցմանը, բայց զինադադարը պիտի լինի տևական, որը հնարավոր է միայն «Ադրբեջանի տարածքից» հայկական զորքերի դուրսբերմամբ»,- ասել է թուրք պաշտոնյան։
Էմմա Չոբանյան
