16.09.2026 | 09:30
Համաշխարհային օլիմպիադա. Շախմատի Հայաստանի թիմերի առաջին մրցակիցները և կազմերը
«Գազպրոմը» ՀՀ քաղաքացիներին ուղղակի թալանում է. տնտեսագետ Վահագն Խաչատրյան
Տնտեսություն
15.12.2017 | 16:39
Այսօրվա Հայաստանի Հանրապետության զարգացման հիմնական խոչընդոտը գործող տնտեսական մոդելն է, որն իրեն սպառել է. այսօր հրավիրված մամուլի ասուլիսին ասաց տնտեսագետ Վահագն Խաչատրյանը՝ ներկայացնելով 2017թ. տնտեսական տարվան բնորոշող թվերն ու միտումները:
«Պետք է հասկանալ. ինչո՞վ են պայմանավորված մեր անհաջողությունները, ինչո՞ւ կենսամակարդակի բարձրացում տեղի չի ունենում, աղքատությունը երկրում չի նվազում, մարդիկ շարունակում են արտագաղթել»,- ասաց բանախոսը՝ ընդգծելով, որ ԱԺ ամբիոնից սրան հակառակ խոսում են 4.3 տոկոս տնտեսական աճից, ներդրումների կասկածելի թվեր են հրապարակում:
«Հայաստանում տնտեսական աճ եթե կա էլ, ապա դա պայմանավորված է ոչ թե ներքին տնտեսական հաջողություններով, այլ ուղղակի արտաքին գործոններով»,- կարծիք հայտնեց տնտեսագետը:
Խոսելով գազի և էլեկտրաէներգիայի գներից, բանախոսը նկատեց. «Այն խաղի կանոնները, որոնք մեզ թելադրված են ազնիվ չեն, այն գները, որ մենք վճարում ենք գազի և էլեկտրաէներգիայի համար ավելի ցածր պետք է լինեն: Սրանք պատահական հայտարարություններ չեն, ու ես ինձ իրավունք եմ վերապահում ասել, որ այսօր մեզ՝ Հայաստանի Հանրապետության քաղաքացիներին, «Գազպրոմը» ուղղակի թալանում է»:
