08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
90-ականներին 7 հոգու գլուխը կտրել, գցել էին խորանի վրա․ մենք մզկիթները վերականգնում ենք․Պարգև սրբազան. ՏԵՍԱՆՅՈՒԹ
09.10.2020 | 13:13
1990-ականներին թիրախավորել էին Գանձասարը, վնասել էին, թիրախավորել էին նաև Ամարասը: Այսօր հրավիրված ասուլիսում հիշեցրեց ՀԱԵ Արցախի թեմի առաջնորդ Պարգև արքեպիսկոպոս Մարտիրոսյանը՝ խոսելով ադրբեջանական ուժերի կողմից Շուշիի Ղազանչեցոց եկեղեցուն հարվածելու մասին:
«Նույնիսկ Գյուլիստանի Ամենափրկիչ եկեղեցին են վնասել, երբ շահումյանցիներից ոմանք չեն հասցրել փախչել, 7 հոգու գլուխը կտրել էին, գցել խորանի վրա ու գմբեթը պայթեցրել: Նույն ձեռագիրն է՝ բարբարոսների, ահաբեկիչների ձեռագիր: Նույնն անում են նաև ահաբեկիչները: Սա մեզ համար հասկանալի է: Իսկ մենք մզկիթներին ձեռք չենք տվել, նույնիսկ Շուշիի մզկիթը նորոգել ենք մեր միջոցներով»,- ասաց Պարգև Սրբազանը:
Նա վստահեցրեց, որ ամեն ինչ վերականգնվելու, վերանորոգվելու է, և մեր երկիրը, ազգը, հայրենիքը փյունիկի նման վեր է հառնելու:
Մանրամասները՝ տեսանյութում:
