27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Այս պահի դրությամբ համառ մարտեր են ընթանում հարավային ուղղությամբ հատկապես. Արծրուն Հովհաննիսյան. ՏԵՍԱՆՅՈՒԹ
08.10.2020 | 21:11
Արցախի և Ադրբեջանի շփման գծում այս պահին համառ մարտեր են ընթանում՝ հատկապես հարավային ուղղությամբ: Այս մասին այսօր հրավիրված ասուլիսի ընթացքում ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:
«Առավոտից Ադրբեջանի Զինված ուժերը նորից վերսկսել են հարձակողական գործողությունները ինչպես հյուսիսում, այնպես էլ հարավային ուղղությամբ: Հայկական կողմը ոչնչացրել է հակառակորդի զգալի թվով կենդանի ուժ, զրահատեխնիկա, այլ միջոցներ, հակառակորդը շպրտվել է մինչև ելման բնագծերը: Այս պահին համառ մարտեր են ընթանում՝ հատկապես հարավային ուղղությամբ»,- ասաց Հովհաննիսյանը:
Նա նշեց, որ այսօր և անցնող գիշերը, որին ականատես է եղել նաև ինքը, ադրբեջանական զինված ուժերը հրթիռակոծել են Արցախի տարբեր բնակավայրերը, մասնավորապես՝ Ստեփանակերտը, Շուշին և այլ քաղաքներ։
«Ռմբակոծությունների հետևանքով կա 93 վիրավոր, որից միայն 20-ը թեթև կամ միջին ծանրության են, մյուսները՝ ծանր, կա 20 զոհված՝ չհաշված ՀՀ տարածքում զոհված 1 քաղաքացին։ Հիմնովին կամ մասնակի ավերվել է 4․600 անշարժ գույք, 430 մասնավոր շարժական գույք է շարքից դուրս եկել, 750 տարբեր տեսակի ենթակառուցվածքներ, հանրային և արտադրական օբյեկտներ։ Այս տվյալներում ամփոփված չեն երեկ գիշերվա և այսօրվա ցուցանիշները»,- ասաց Հովհաննիսյանը:
ՊՆ ներկայացուցիչը հավելեց, որ մարտերն ընթանում են ինչպես ցերեկը, այնպես էլ գիշերը:
Մանրամասները՝ տեսանյութում։
