25.09.2026 | 23:40
Եղիշե Մելիքյանը՝ Լատվիայի հավաքականի նկատմամբ հաղթանակի մասին. ՏԵՍԱՆՅՈՒԹ
Իրանը 200 տանկ է տեղակայել հայ-ադրբեջանական սահմանին․ ինչի՞ է նախապատրաստվում Թեհրանը
Քաղաքականություն
08.10.2020 | 13:48
Արդեն 3 տասնամյակ է՝ Իրանը մտավախություն ունի, որ Թուրքիան և Ադրբեջանը համատեղ կներխուժեն իր տարածք։ Այդ պատճառով էլ Թեհրանը ԼՂ պատերազմում աջակցում է Երևանին, գրում է Репортер-ը՝ վկայակոչելով հունական Pentapostagma-ն։
Հրապարակման համաձայն՝ հոկտեմբերի 5-ին Իրանի լրատվամիջոցները տեղեկացրեցին, որ երկրի իշխանությունները հայ-ադրբեջանական սահման են ուղղել իրենց զրահատանկային դիվիզիան ու բանակի այլ ստորաբաժանումները։ Առաջին հերթին, Թեհրանը ցանկացել է ապահովել իր անվտանգությունը, քանի որ Իրանի ամբողջ հյուսիս-արևմուտքը բնակեցված է հիմնականում էթնիկ ադրբեջանցիներով։ Իրանցիներն իրապես մտավախություն ունեն, որ հակամարտությունը կարող է հատել իրենց սահմանը, քանի որ տեղի բնակչությունը կտրականապես դեմ է հայերին աջակցելուն։
Սակայն ռազմական փորձագետները կասկածում են, որ նման հսկայական հավելյալ խմբավորումն անհրաժեշտ է սահմանների պաշտպանության ու ամբողջականության համար։ Նրանք ենթադրում են, որ այդ ողջ տեխնիկայի զգալի մասը կարող է հայտնվել Հայաստանում, եթե Երևանը խնդրի։
Հայտնի է, որ Իրանը մինչ այդ Հայաստանին է փոխանցել 30 տանկ ու 20 հրետանային համակարգեր։ Հավանական է, Թեհրանը կշարունակի աջակցել Երևանին նաև հետագայում։
Անհրաժեշտ է նշել, որ Իրանի իշխանություններն արդեն պաշտոնապես նախազգուշացրել են Ադրբեջանին, որ եթե Բաքուն փորձի հակամարտությունը տեղափոխել Իրանի սահման, ապա Թեհրանի կողմից պատասխանը կայծակնային կլինի։ Հայտարարությունն արվել է այն բանից հետո, երբ տեղեկություններ հայտնվեցին, որ Իրանի օդային տարածքում խոցվել է ադրբեջանական ուղղաթիռ։
Վերլուծաբանները կարծում են, որ Իրանը պատարաստվում է հակամարտության մեջ մտնել Հայաստանի կողմից , ինչպես օրինակ Թուրքիան աջակցում է Ադրբեջանին։ Թեհրանին մնում է միայն ստանալ Մոսկվայի աջակցությունը՝ սկսելով Ռուսաստանից գնել զենք։
Տաթև Ֆռանգյան
