19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Վերջին 20-30 տարում տարածաշրջանում այսպիսի խիտ մարտական գործողություններ շատ քիչ են եղել. ՏԵՍԱՆՅՈՒԹ
07.10.2020 | 22:52
Երևի թե իմ տրամադրությունից և վստահ խոսքերից հասկացաք, որ մեր զինված ուժերը, բնականաբար, ունեն հաջողություններ, բայց խաղաքարտերը չբացեմ: Այս մասին այսօր հրավիրված ասուլիսի ժամանակ ասաց ՀՀ ՊՆ ներկայացուցիչ Արծրունը Հովհաննիսյանը:
«Ավելի շատ ես կուզենամ ավետել հաջողությունների լուրը, բայց այս պահին ընթանում են համառ մարտեր և մարտերի ընթացքում ինչպես հաջողությունները, այնպես էլ անհաջողությունները կամ ժամանակավոր խուսավարումներն անխուսափելի երևույթներ են, մենք այդ մասին բազմիցս ասել ենք»,- ասաց նա։
ՊՆ ներկայացուցիչը ընդգծեց, որ սա մեծ պատերազմ է:
«Սա փոքր պատերազմ չէ: Հավատացեք՝ վերջին 20-30 տարում այս տարածաշրջանում խիտ մարտական գործողություններ, այսպիսի մեծ ցամաքային ուժերի՝ զրահատեխնիկայի, հրետանային միջոցների, ԱԹՍ-ների ներգրավվածություն կոնվենցիոնալ պատերազմի մեջ շատ քիչ է եղել: Այս մարտական գործողությունների ժամանակ առանձին դիրքային, սահմանային փոփոխությունները, նահանջները, թևանցումները, շրջանցումները, առանձին էպիզոդներով քննարկելն այնքան էլ տեղին չենք համարում, երբ կավարտվեն կոնկրետ օպերացիաներ, կունենանք կոնկրետ արդյունքներ, պաշտպանական գերատեսչությունը կհամարի տեղին, կներկայացնի համապատախան ապացույցները, ինչպիսիք դուք տեսել եք այս օրերի ընթացքում մի քանի անգամներ, կոնկրետ ֆիքսված հետախուզական միջոցներից»,- ասաց Արծրուն Հովհաննիսյանը:
Մանրամասները՝ տեսանյութում:
