14.12.2024 | 15:31
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
ԼՂ հակամարտությունը դուրս է եկել տարածաշրջանից․ Նիկոլ Փաշինյան
Քաղաքականություն
07.10.2020 | 17:43
Հայաստանի վարչապետ Նիկոլ Փաշինյանը ռուսական Առաջին ալիքի «Ժամանակը ցույց կտա» հաղորդման ընթացքում հայտարարել է, որ Ադրբեջանի հետ հակամարտությունը դուրս է եկել տարածաշրջանից։
«Իրավիճակն արդեն դուրս է եկել տարածաշրջանի սահմաններից, ես նկատի ունեմ ԼՂ հակամարտության տարածքը»,- ասել է ՀՀ վարչապետը։
Նրա խոսքով՝ քանի որ հակամարտության մեջ ներգրավված են արմատականներ, միջազգային ահաբեկիչներ, դա արդեն վտանգ է ներկայացնում մեծ տարածաշրջանի բոլոր երկրների համար․ «Եվ սա վտանգի օջախ է ողջ աշխարհի անվտանգության համար»։
Նա նաև հայտարարել է, որ Լեռնային Ղարաբաղի շուրջ հակամարտությունում Թուրքիայի մասնակցությունը փոխում է իրադարձությունների բովանդակությունը։ «Թուրքիայի ներգրավումը փոխում է կոնտեքստը»,- ասել է Փաշինյանը։
ՀՀ վարչապետը հայտարարել է, որ Թուրքիան 100 տարի անց հետ է վերադարձել Հարավային Կովկաս երկու պատճառով, որպեսզի շարունակի Հայոց ցեղասպանության քաղաքականությունն ու իր իմպերիալիստական քաղաքականությունը հյուսիս-արևելք ու հարավ-արևելք ուղղություններով։
Նա ասել է, որ ցանկացած հակամարտության համար անհրաժեշտ են փոխզիջումներ, այդ թվում՝ Լեռնային Ղարաբաղում։
«Հայկական կողմը մշտապես պատրաստ է եղել փոխզիջումներին։ Եթե Ադրբեջանը ևս պատրաստ լինի փոխզիջումների, սա կփոխի իրադրությունը»,- հավելել է Նիկոլ Փաշինյանը։
