29.04.2026 | 12:53
Ով է Մուստաֆաևը և ինչով է հայտնի․ Ադրբեջանի փոխվարչապետը Երևանում է․ ՏԵՍԱՆՅՈՒԹ
Բաքուն Թեհրանից ներողություն է խնդրել Իրանի տարածքում հրթիռների և արկերի ընկնելու համար․ ՏԱՍՍ
Քաղաքականություն
07.10.2020 | 16:26
Ադրբեջանական կողմի ներկայացուցիչները ներողություն են խնդրել Իրանի տարածքում հրթիռների և արկերի ընկնելու հետ կապված։ Այս մասին հայտարարել է ԻԻՀ ոստիկանության ղեկավարի տեղակալ Քասեմ Ռեզային, գրում է ՏԱՍՍ-ը։
«Մենք սահմանային տարածքում հանդիպում ենք ունեցել ադրբեջանական կողմի ներկայացուցիչների հետ, և նրանք ներողություն են խնդրել»,- ասել է Ռեզային՝ նշելով, որ մի շարք հրթիռներ և արկեր են ընկել Իրանի տարածքում։
Նա հավելել է, որ «իրանցի սահմանապահները, իրենց լիազորություններին համապատասխան, Իրանի տարածքում հրթիռների և արկերի պատահական ընկնելուց հետո զգուշացրել են Հայաստանին և Ադրբեջանին»։
Երկուշաբթի հաղորդվել էր, որ Լեռնային Ղարաբաղում ռազմական գործողությունների ընթացքում արձակված մի քանի արկ ընկել է Իրանի տարածքում։ Միջադեպի հետևանքով երեխա է վիրավորվել, մի քանի տուն է վնասվել։
