08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեր ցմփոր միլիարդատերերը գոնե այս օրերին պետք է իրենց միլիարդները տան հայրենիքին․ Նիկոլայ Ծատուրյան. ՏԵՍԱՆՅՈՒԹ
Քաղաքականություն
06.10.2020 | 20:23
«Առանց հուզմունքի չեմ կարող խոսել մեր զինվորների մասին․ փոխանակ մենք իրենց դուխ տանք, իրենք են մեզ դուխ տալիս։ Դուխը նաև հումորն է․ չպետք է կորցնել հումորի զգացումը։ Թոռս հիմա ծառայում է Մարտակերտում, մերոնց արգելել եմ նվնվալ։ Հումորով պետք է հաղթենք թշնամուն, ոչ թե լացուկոծով։ Տեսեք՝ զոհված հերոսների մայրերն ինչ պինդ են, ինչ հանգիստ, դա շատ կարևոր է»,- Factor TV-ի հետ զրույցում նման տեսակետ է հայտնում բեմադրիչ, ռեժիսոր Նիկոլայ Ծատուրյանը։
Նա, անդրադառնալով մեր հայրենակիցների՝ «Հայաստան» համահայկական հիմնադրամին արած հանգանակություններին, նկատում է, որ արդյունքը կարող է շատ ավելի լավը լինել․ «Եթե 10 միլիոն հայերից ամեն մեկը գոնե 100 դոլլար հանգանակություն անի, տեսեք՝ ինչ մեծ գումար կդառնա։ Մեր ցմփոր միլիարդատերերը գոնե այս օրերին պետք է իրենց միլիարդները տան հայրենիքին․․․Մեր հայ միլիարդատերե´ր, մինչև կռիվը բանակին զենք տվեք։ Չէ՞ որ Ադրբեջանը նավթադոլլարներ է ծախսում, դուք էլ գումարներ նվիրաբերեք, այդ դեպքում Թուրքիան ղալաթ կաներ, թե կհոխորտար»։
Բեմադրիչը նշում է, որ այս պատերազմը ևս մեկ անգամ ցույց տվեց՝ հույսներս պետք է դնենք ինքներս մեզ վրա։ Նրա խոսքով՝ 1915-ին՝ Հայոց ցեղասպանության ժամանակ էլ աշխարհի երկրներն անտարբեր էին, արձագանքողներն անհատներ էին, նույն բանը կատարվում է հիմա։
Մանրամասները՝ տեսանյութում։
Աննա Բաբաջանյան
