11.09.2026 | 19:54
94 տարեկանում մահացել է Նորվեգիայի արքայադուստրը` եղբոր` Հարալդ թագավորի հուղարկավորությունից 2 օր անց
Արգելված զինատեսակներով թիրախավորվում են հատկապես խիտ բնակեցված քաղաքները․ ՀՀ ՄԻՊ. ՏԵՍԱՆՅՈՒԹ
05.10.2020 | 21:21
Հայաստանի Մարդու իրավունքների պաշտպանի աշխատանքի նպատակն է եղել առաջին օրից պարզել Ադրբեջանի կողմից իրականացվող ռազմական հայտարարությունների և հարձակումների տրամաբանությունը, որովհետև այն ուղիղ առնչություն ուներ մարդու իրավունքների, կյանքի և առողջության իրավունքի հետ: Այս մասին այսօր հրավիրված մամուլի ասուլիսում ասաց ՄԻՊ Արման Թաթոյանը:
«Չափազանց կարևոր է ցույց տալ այդ հարձակումների հիմքում ընկած քաղաքականության նենգ բնույթը, որովհետև ակնհայտ է էթնիկ զտումների նպատակը և ահաբեկչական մեթոդներով բնակչության վրա հարձակում գործելը: Առաջին օրից հակառակորդը թիրախավորում է քաղաքացիական խաղաղ բնակչությանը, քաղաքացիական բնակավայրերը, և սա ակնհայտ է: Սրա մասին են վկայում ոչ միայն այն տեսանյութերը, կադրերն ու ապացույցները, որ կան, այլ նաև այն ծանր հետևանքները, որ առաջացել են»,- ասաց Թաթոյանը:
ՄԻՊ-ի խոսքով՝ հակառակորդը կիրառել է այնպիսի զինատեսակներ, որոնք միջազգային մարդասիրական իրավունքով արգելված են:
«Կարևոր է արձանագրել, որ խաղաղ բնակչության նկատմամբ հարձակումները իրականացվում են թե՛ ռազմաօդային, թե՛ հրետանային հարձակումների միջոցով»,- նշեց Թաթոյանը:
ՄԻՊ-ը հավելեց, որ Գեղարքունիքի մարզում փաստահավաք աշխատանքները ցույց են տվել, որ Ադրբեջանը նպատակ էր հետապնդում ԱԹՍ-ների միջոցով բնակչության դեմ թիրախային հարձակումներ գործել:
Մանրամասները՝ տեսանյութում:
