04.06.2026 | 14:25
Քոնոր Մաքգրեգորի մասնակցությամբ մենամարտի տոմսերը սպառվել են ռեկորդային արագությամբ
Մեկ ժամում հավաքվել է 7 միլիոն. մասնակցել կարելի է նաև նվիրաբերելով 1000 ՀՀ դրամ՝ SMS հաղորդագրության միջոցով
05.10.2020 | 13:44
«Մենք ենք, մեր սահմանները. բոլորս Արցախի համար» նվիրատվությունները շարունակվում են։ Այս պահին հավաքված գումարը կազմում է 28,830,315.70 դոլար։
Ամենամեծ նվիրատվություններից մեկը կատարվել է Էդել Հովնանյանի և Հրայր ու Աննա Հովնանյան բարեգործական հիմնադրամի կողմից՝ 3 000 000 դոլար։
3 մլն դոլար է նվիրաբերել է նաև «Manoogian Simone Foundation» հիմնադրամի նախագահ Քրիստինա Սիմոնը։
Ալ Եսայանը և իր ընկերներն էլ Լոս Անջելեսում հավաքագրել և փոխանցել են 1 միլիոն դոլար:
Ի դեպ ,այդ 7 մլն դոլար փոխանցումը կատարվել է 1 ժամվա ընթացքում։
«Հայաստան» համահայկական հիմնադրամին 1 միլիոն դոլար են նվիրաբերել Աֆեյան, Գրեգորյան և Վարդանյան ընտանիքները
Դրամահավաքին մասնակցում են հայեր Ռուսաստանից, Ավստրալիայից, ամբողջ Եվրոպայից, ԱՄՆ-ից, Աֆրիկայից: Այնպիսի համայնքներ կան, որոնք երբևէ ակտիվ չեն եղել, բայց այս անգամ մասնակցում են շարժմանը:
Դրամահավաքին ակտիվ մասնակցում են նաև Հայաստանաբնակ հայերը։
ՀՀ արդարադատության նախարարությունը շուրջ 35 մլն դրամ է փոխանցել «Հայաստան» համահայկական հիմնադրամին:
«Արդարադատության նախարարությունն էլ իր ենթակա հիմնարկներով ու ՊՈԱԿ-ներով անմասն չի մնացել և իր հնարավորությունների սահմաններում նվիրատվություն է կատարել հանուն մեր հաղթանակի՝ շուրջ 35 մլն դրամ և անհրաժեշտ տարատեսակ ապրանքներ ուղարկելով մեր զինվորներին»,- ասված է նախարար Ռուստամ Բադասյանի գրառման մեջ:
Հայաստանի երգի պետական թատրոնն էլ տեղեկացնում է, որ անձնակազմի կողմից այսօր ՀԱՅԱՍՏԱՆ համահայկական հիմնադրամին փոխանցվել է 2.800.000 ՀՀ դրամ:
Նվիրատվությունները շարունակվում են։ Մասնակցել կարելի է նաև նվիրաբերելով 1000 ՀՀ դրամի չափով՝ SMS հաղորդագրություն ուղարկելով 8000 կարճ համարին, որը գործում է Հայաստանում բոլոր օպերատորների բաժանորդների համար:
