19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թբիլիսին պատրաստ է ընդունել ԼՂ կարգավորման հարցով ԵԱՀԿ Մինսկի խմբի հանդիպումը․ Վրաստանի նախագահ
Քաղաքականություն
05.10.2020 | 13:10
Վրաստանի նախագահ Սալոմե Զուրաբիշվիլին նախատեսում է մոտ օրերս հեռախոսազրույց ունենալ Ադրբեջանի ու Հայաստանի իր գործընկերների հետ և, հնարավորության դեպքում, պատրաստ է իր երկրում ընդունել ԼՂ հակամարտության կարգավորման հարցով ԵԱՀԿ Մինսկի խմբի համանախագահներին։ Այս մասին գրում է Sputnik Georgia-ն։
«Ժամանակն է բանակցություններ վարել նախագահների հետ, որոնք նախատեսված են այս շաբաթ։ Կարևոր է պահպանել չեզոքություն երկու հարևան երկրների հանդեպ։ Մեր երկրների տնտեսությունն ու զարգացումը կախված է կայունությունից ու խաղաղությունից»,- ասել է Զուրաբիշվիլին։
Վրաստանի նախագահի խոսքով՝ պաշտոնական Թբիլիսին կոչ է արել կողմերին դադարեցնել կրակը՝ զոհերից խուսափելու համար։
«Երկու կողմից էլ նկատվում են նախադրյալներ՝ ԵԱՀԿ Միսնկի խմբին ներգրավելու պատրաստակամությամբ։ Կարծում եմ, որ մենք պետք է նպաստենք հանդիպման անցկացմանը, թեկուզ Վրաստանում։ Մենք ամեն ինչ կանենք ու պատրաստ ենք ամեն ինչի, ինչն ընդունելի կլինի նրանց համար»,- հայտարարել է Սալոմե Զուրաբիշվիլին։
