09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Չի կարող լինել նման երևույթ, որ Սերժ Սարգսյանը չլինի վարչապետ. Գալուստ Սահակյան
Քաղաքականություն
14.12.2017 | 12:36
Թեև Հանրապետական կուսակցությունում վարչապետի թեկնածուի մասին քննարկումներ չեն եղել, բայց բոլորն արդեն կողմնորոշված են: Խորհրդարանում լրագրողների հետ զրույցում հայտարարեց ՀՀԿ-ական պատգամավոր Գալուստ Սահակյանը։
«Կարծում եմ՝ այս պահին հիմնականում բոլորն արդեն կողմնորոշված են, ու չեմ կարծում, որ որևէ մեկին հարցնեք նույն պատասխանը չի տալու», – ընդգծեց հանրապետական պատգամավորը:
Լրագրողի հարցին՝ ապագա վարչապետը լինելո՞ւ է անվիճելի հեղինակություն, Ազգային ժողովի պատգամավորն ասաց. «Քաղաքականության մեջ անվիճելի հեղինակություններ չեն լինում, պարզապես քաղաքական պայմանների հետևանքով ընտրվում են իշխանության ներկայացուցիչներ»:
Ի տարբերություն վարչապետի պաշտոնին, նախագահի պաշտոնում Գալուստ Սահակյանը դեռևս չի կողմորոշվել՝ ում է ցանկանում տեսնել. «Դեռևս ոչ մեկին չեմ տեսնում։ Արժանիներ շատ կան և շատերը կարող են այդ գործը կատարել, բայց քանի որ քննարկումներ չեն եղել և իմ տեսադաշտում այդ խնդիրը չի առաջացել, որ ես ինքս առաջարկեմ դրա համար երբ առաջարկություններ կլինեն, կասեմ նաև իմ տեսակետը»:
Մանրամասները՝ տեսանյութում:
