Թուրքիան և Ադրբեջանը լկտիաբար մերժում են միջազգային հանրության կարծիքը․ Մասիս Մայիլյան. ՏԵՍԱՆՅՈՒԹ

Արցախի անկախության միջազգային ճանաչումը կարող է ծառայել որպես լծակ, որպես մեխանիզմ՝ տարածաշրջանում խաղաղություն հաստատելու համար: Այս մասին այսօր Արցախում հրավիրված ասուլիսի ժամանակ ասաց Արախի արտաքին գործեերի նախարար Մասիս Մայիլյանը։

«Գիտեք, որ միջազգային հանրությունը և միջազգային հանրությունը ներկայացնող տարբեր կառույցներ, այդ թվում՝ ՄԱԿ-ի անվտանգության խորհրդի անդամները, ԵԱՀԿ Մինսկի խմբի համանախագահությունը, այդ համանախագահող  երկրների ղեկավարները հանդես են եկել հայտարարությամբ և կոչ հնչեցրել, Ադրբեջանին եւ Թուրքիային, որպեսզի դադարեցվեն գործողությունները եւ սկսվեն խաղաղ բանակցություններ: Այդ կոչերը մնացել են անպատասխան եւ, փաստորեն, միջազգային  հանրությունը ունի մի կարծիք, իսկ վտարյալ երկու պետությունները՝ Ադրբեջանն ու Թուրքիան, ունեն ուրիշ կարծիք եւ լկտիաբար մերժում են միջազգային հանրության կարծիքը, Ռուսաստանի, Ֆրանսիայի եւ Ամերիկայի Միացյալ Նահանգների պատերազմը կանգնեցնելու կոչը: Քանի որ այդպես է, մենք համարել ենք ճիշտ, որ այսօր կոչով հանդես գանք, կոչ անենք միջազգային հանրությանը՝ ճանաչել  Արցախի Հանրապետության անկախությունը: Մենք համոզված ենք, որ այդ քայլը կարող է ծառայել որպես լծակ, որպես մեխանիզմ՝ տարածաշրջանում խաղաղություն հաստատելու համար»,- նշեց ԱՀ պաշտոնյան։

Մանրամասները՝ տեսանյութում։