29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Ալիևը հայտարարել է, թե ՌԴ-ն ավելի մեծ դերակատարություն ունի ԼՂ հակամարտության կարգավորման հարցում, քան մյուս համանախագահները
Քաղաքականություն
03.10.2020 | 13:50
Ադրբեջանի նախագահ Իլհամ Ալիևը հայտարարել է, որ Ռուսաստանն օբյեկտիվորեն ավելի մեծ դերակատարություն ունի Լեռնային Ղարաբաղի հակամարտության կարգավորման հարցում, քան ԵԱՀԿ ՄԽ մյուս համանախագահները, գրում է ՏԱՍՍ-ը։
«Ռուսաստանն ԱՄՆ-ի ու Ֆրանսիայի հետ հանդիսանում է համանախագահ երկրներից մեկը։ Գործընթացում բավական բարձր է համակարգումը։ Իհարկե, Ռուսաստանն ունի առանձնահատուկ դիրք, քանի որ այն Ադրբեջանի հարևան երկիրն է, այն պետական սահման չունի Հայաստանի հետ։ Ռուսաստանը մի երկիր է, որը լավ պատմական կապեր ունի Ադրբեջանի ու Հայաստանի հետ։ Հենց այս պատճառներով էլ նրանց դերակատարությունը հնարավոր միջնորդական աշխատանքի հարցում օբյեկտիվորեն բարձր է, քան մյուսներինը, որոնք տարածաշրջանից հեռու են տեղակայված և, հնարավոր է, լիակատար պատկերացում չունեն, թե ինչ է այստեղ կատարվում վերջին տասնամյակում»,- ասել է Ալիևը։
