08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մինչ օրս 11 քաղաքացիական անձ է սպանվել, 60-ից ավելի վիրավոր կա․ Արցախի ՄԻՊ. ՏԵՍԱՆՅՈՒԹ
01.10.2020 | 21:02
Խաղաղ բնակչության շրջանում առ այսօր 11 զոհ ունենք։ Ստեփանակերտում հրավիրված ճեպազրույցում այս մասին ասաց Արցախի ՄԻՊ Արտակ Բեգլարյանը։
«60-ից ավելի վիրավոր ունենք, որից 42-ը, մեր արձանագրմամբ, լուրջ վիրավորում ունեն։ Առաջին չորս դեպքը եղել է սեպտեմբերի 27-ին՝ Մարտունի քաղաքում 2 քաղաքացի է սպանվել․ մեկը՝ տարեց, մյուսը՝ մանկահասակ։ Հադրութում 79-ամյա կին է սպանվել, Մարտակերտի շրջանի Մեծ Շեն գյուղի մոտ երիտասարդ տղա է սպանվել։ Երեկ Մարտակերտում ռմբակոծություն է տեղի ունեցել, որի հետևանքով 3 տարեց քաղաքացի է մահացել, որոնք ընտանիքի անդամներ էին, նրանցից 2-ը կին էին, մեկը՝ տղամարդ։ Իսկ այսօր Մարտունի քաղաքում տեղի ունեցավ թիրախային հրետակածություն, ինչի հետևանքով նախնական տվյալով՝ 4 հոգի սպանվել է, 11 հոգի վիրավորվել, ներառյալ՝ լրագրողները»,- ասաց Արտակ Բեգլարյանը։
Սեպտեմբերի 27-ին Հադրութի իր բնակարանում տարեց կինը, ըստ Արտակ Բեգլարյանի՝ սպանվել է կամիկաձե անօդաչու թռչող սարքի հարվածից։
«Դրանից ենթադրվում է, որ քաղաքացիական բնակչությունը թիրախավորվել է, քանի որ եթե հրետանու պարագայում հեռավորության վրա որոշակի շեղման հնարավորություն կա, ապա հարվածային ԱԹՍ-ները համարվում են բարձր դիպուկայնությամբ զենքեր, հետևաբար՝ այստեղ սխալի հավանականություն գրեթե չկա։ Ակնհայտ է այս և այլ դեպքերից, որ քաղաքացիական բնակչությունը միտումնավոր կերպով թիրախավորվում է Ադրբեջանի Զինված ուժերի կողմից, ինչը միջազգային մարդասիրական իրավունքի նորմերի կոպտագույն խախտում է, ավելին՝ պատերազմական հանցագործություն է»,- նշեց Արտակ Բեգլարյանը։
Մանրամասները՝ տեսանյութում։
