17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
«Ծառուկյան» խմբակցությունը դեմ կլինի՞ վարչապետի պաշտոնում Կարեն Կարապետյանի թեկնածությանը
Քաղաքականություն
12.12.2017 | 15:22
ԱԺ «Ծառուկյան» խմբակցության պատգամավոր, ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանը հերքում է տեղեկություններն այն մասին, որ իրենց խմբակցության և «Ելք»-ի միջև քննարկումներ են ընթանում՝ վարչապետի մեկ միասնական թեկնածուով հանդես գալու վերաբերյալ:
ԱԺ-ում լրագրողների հետ զրույցում Տոնոյանը նշեց. «Նմանատիպ որևէ բանակցություն և գործընթաց չկա: Առիթ եղել է ասելու, որ ընդհանրապես վարչապետի թեկնածության հետ կապված այսօր «Ծառուկյան» խմբակցության օրակարգում չկա, երբ որ կլինեն քննարկումներ, երբ որ կլինի այդ հարցի հետ կապված նոր ասելիք, ապա մենք անպայմանորեն լրատվամիջոցներին և հանրությանը տեղյակ կպահենք»,- ասաց Իվետա Տոնոյանը:
Նույն կերպ նա պատասխանեց նաև այն հարցին, թե հնարավոր է կոալիցիա կազմեն ՀՀԿ-ի հետ: Ինչ վերաբերում է վարչապետ Կարեն Կարապետյանի կառավարության քննադատությանը, ապա Իվետա Տոնոյանն ասաց, որ ԲՀԿ-ի և «Ծառուկյան» խմբակցության պատգամավորների քննադատությունները երբեք ինքնանպատակ չեն եղել, այլ բխել են հասարակությանը հուզող խնդիրներին: Իվետա Տոնայանն ասաց, որ իրենք ունեն իրենց քաղաքական օրակարգը և առաջնորդվում են միայն իրենց օրակարգով: Հնարավոր է ԲՀԿ-ն սատարի Սերժ Սարգսյանի որպես վարչապետի թեկնածու, Տոնոյանը նկատեց, որ ինքը հնարավոր է, միգուցե ձևակերպումներով հարցերին չի պատասխանում, և բացի այդ նշեց, որ վարչապետի հարց իրենց օրակարգում չկա:
