08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կարմիր գոտուց անդին. COVID 19-ի դեմ պայքարի ցավոտ ու հուսադրող էջերը. ՏԵՍԱՆՅՈՒԹ
26.09.2020 | 17:00
Օգոստոսից սկսած կորոնավիրուս բուժող հիվանդանոցները վերադառնում են նախկին գործառույթին։
«Վնասվածքաբանության և օրթոպեդիայի գիտական կենտրոն»-ը դեռ շարունակում է զբաղվել կորոնավիրուսի բուժմամբ: Կենտրոնում աշխատողները համաճարակաբաններ չեն և նրանցից ոչ բոլորն է, որ հենց այս կենտրոնում էին աշխատում: Մարտի 1-ին կորոնավիրուսի հաստատված առաջին դեպքից և օր օրի ավելացող նոր վարակակիրների թվից հետո բժշկական խալաթին փոխարինեց արտահագուստը, շատերի համար փոխվեց աշխատանքի հասցեն, փոխվեցին աշխատանքային ժամերը:
Ավագ բուժքույր Արմինե Խաչատրյանն ասում է՝ վերջին մի քանի կիրակին է, որ տանն է, տանեցիների համար հեշտ չէ, բայց համակերպվել են:
Կարմիր գոտի: Հենց այդպես է կոչվում այս դռներից ներս հատվածը: Այնտեղ ապրում և բուժում են ստանում նրանք, ովքեր արդեն իրենց մաշկի վրա զգացել են՝ ինչ ասել է քովիդ-19։ Դռներից ներս շնչելը դժվար է՝ վտանգն ավելի մոտ ես զգում: Անընդհատ թվում է՝ գուցե բավական չէ պաշտպանվածությունը:
Ժամանակին մանկական օրթոպեդ, այսօր արդեն կարմիր գոտում աշխատող Խորեն Հովհաննիսյանը դիմավորում է մեզ: «Ներսում շնչելու համար առաջին վայրկաններն են ամենադժվարը»,- ասում է նա:
Իսկ ի՞նչն է այս ամիսների ընթացքում եղել իր համար ամենադժվարը,՝հարցնում եմ բժշկին։ Պատասխանում է՝ նորածին երեխային 2 ամիս չտեսնելը:
Ամենածանր հիվանդների հետ արդեն 6 ամիս ու ամեն օր աշխատում է Անահիտ Բարսեղյանը․ վերակենդանացման և անեսթեզիոլոգիայի բաժանմունքի վարիչն է։ Հենց նա սեպտեմբերի 21-ին ՀՀ նախագահ Արմեն Սարգսյանի հրամանագրով պարգևատրվեց Մխիթար Հերացու մեդալով։ Այվածքաբանության ազգային կենտրոնից է տեղափոխվել այստեղ։ Որոշումն իրենն է եղել։
Մեր զրույցն անընդհատ ընդհատվում էր։ Ժամը 15-18-ը պացիենտների հարազատները զանգում են, որ բուժման ընթացքից մանրամասներ իմանան։ «Այս օրերին շատերի հետ եք շփվել, ու՞մ չեք մոռանա երբեք»,- հարցնում եմ բժշկուհուն։ Պատասխանին նախորդում է երկար դադարը։ Այս ամիսներին իր պացիենտները մի քանի հարյուրն են եղել, բայց ոչ անուններն է մոռանում, ոչ ամսաթվերը՝ ավելացնում է նա։ Բժշկուհին էլի պատմություններ պատմեց, որոնց միավորում է մեկ սահմանագիծ՝ կյանքը քովիդից առաջ և հետո։
Մանրամասները՝ տեսանյութում:
