19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Բուլղարիայում ցուցարարների և իրավապահների միջև բախումներ են գրանցվել
Քաղաքականություն
23.09.2020 | 12:16
Բուլղարիայի մայրաքաղաք Սոֆիայում հակակառավարական ակցիաները կրկին վերածվել են ցուցարարների և ոստիկանների միջև բախումնենրով։ Սեպտեմբերի 22-ի երեկոյան գրանցված միջադեպերի հետևանքով երեք իրավապահ է վիրավորվել, գրում է DW-ի ռուսական ծառայությունը։
Ցուցարարները ոստիկանների ուղղությամբ քարեր ու շշեր են նետել։
AFP-ի տվյալներով էլ՝ հանրապետության Անկախության օրը Սոֆիայում կազմակերպված ցույցին շուրջ 10 հազար մարդ է մասնակցել։ Բոյկո Բորիսովի գլխավորած կառավարության դեմ ակցիաներ են անցկացվել նաև այլ քաղաքներում։ Վարչապետի քննադատները նրան մեղադրում են կոռուպցիայի և օլիգարխների հետ կապերի համար։
Բուլղարիայում ցույցեր են անցկացվում արդեն մի քանի ամիս։ Օգոստոսին Բորիսովը հայտարարեց երկրի Սահմանադրությունը փոխելու ծրագրերի մասին, ինչն ուժգնացրեց ցուցարարների դժգոհությունը։ Նրանք առաջարկվող փոփոխություններում գլխավոր դատախազի պատասխանատվության մեծացում չեն տեսնում և պահանջում են այդ պաշտոնը զբաղեցնող Իվան Գեշևի հրաժարականը՝ նրան կասկածելով օլիգարխների հետ չափազանց մտերմության մեջ։
Երկրի նախագահ Ռումեն Ռադևը նույնպես կտրուկ քննադատել է վարչապետի մտադրությունը։
