28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Երբ ԲՀԿ-ն կոալիցիա էր ՀՀԿ-ի հետ, այն ժամանակ իրոք վախենալու թվեր էին, պարոն Էնֆիաջյան․ Հայկ Գևորգյան. ՏԵՍԱՆՅՈՒԹ
Քաղաքականություն
22.09.2020 | 17:48
Հայաստանի տնտեսական ակտիվության ցուցանիշը նվազել է ոչ թե 10, այլ 5․7 տոկոսով։ Այս մասին այսօր Ազգային ժողովի արտահերթ նիստում ասաց «Իմ քայլը» խմբակցության պատգամավոր Հայկ Գևորգյանը՝ անդրադառնալով «Բարգավաճ Հայաստան» խմբակցության պատգամավոր Վահե Էնֆիաջյանի ելույթին։
«Հայաստանում տնտեսական ակտիվության ցուցանիշի անկումը ոչ թե 10.2 տոկոս է, այլ 5.7 տոկոս, արդյունաբերությունը ոչ թե նվազել է 2.3 տոկոսով, այլ աճել է 1.4 տոկոսով, իսկ գնաճը ոչ թե 2.8 տոկոս է, ինչպես հայտարարեց պարոն Էնֆիաջյանը, այլ 0.7 տոկոս: Եթե ցանկություն կա ինչ-որ սարսափելի թվեր ներկայացնել, ապա խորհուրդ կտամ ուսումնասիրել նախորդ ճգնաժամի թվերը: Այն ժամանակ, երբ ԲՀԿ-ն կոալիցիա էր և նախարարներ ուներ Կառավարությունում, իրոք վախենալու թվեր էին: 14.4 տոկոս ՀՆԱ-ի անկում, որն ամենախորն էր աշխարհում, արդյունաբերության անկումը՝ 8, շինարարության անկումը՝ 36, արտահանման անկումը՝ 34 տոկոս, իսկ գնաճը 33.4 տոկոս էր: Ինչ վերաբերում է աղքատներին, ինչպես Դուք հայտարարեցիք, որ 700 հազար աղքատ կա, իսկ այն ժամանակ 1 միլիոն 50 հազար էր, սա էլ որպես լրացուցիչ ինֆորմացիա»,- նշեց Հայկ Գևորգյանը:
Մանրամասները՝ տեսանյութում։
