18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Փաշինյանի իշխանության գալուց հետո ՀՀ-ում տարվա ամեն եղանակ է թեժ․ Արմեն Աշոտյան. ՏԵՍԱՆՅՈՒԹ
Քաղաքականություն
22.09.2020 | 15:55
Նիկոլ Փաշինյանի իշխանության գալուց հետո Հայաստանում ամեն ամիս և տարվա ամեն եղանակ է թեժ։ Այսօր հրավիրված ասուլիսում ասաց ՀՀԿ փոխնախագահ Արմեն Աշոտյանը՝ նշելով, որ գործող իշխանության պարագայում քաղաքական կլիշեները չեն աշխատում:
«2018 թ. մայիսից սկսած՝ տարբեր պատճառներով այս Կառավարությունը մշտապես առիթ է ստեղծել, որ ցանկացած ամիս թեժ անցնի Հայաստանում: Ռետրոսպեկտիվ անալիզ անելով՝ կարող ենք տեսնել, որ այս ամենի հիմքում դրված է Նիկոլ Փաշինյանի և իր Կառավարության դեմագոգիկ, անպատասխանատու կեցվածքը ցանկացած ոլորտում: Ես կառաջարկեմ դուրս մնալ ժամանակային կլիշեներից: Այո՛, աշունը լինելու է թեժ այնպես, ինչպես եղավ ամառը թեժ, ինչպես գարունն էր թեժ, այնպես, ինչպես ձմեռն է թեժ լինելու»,- ասաց Արմեն Աշոտյանը:
ՀՀԿ փոխնախագահի խոսքով՝ Հայաստանում օրեցօր աճում են դժգոհությունները և հիասթափությունը։
«Ներքաղաքական տեսակետից այսօր ունենք աճող դժգոհություն, հիասթափություն, խորացող սոցիալ-տնտեսական ճգնաժամ, որի մասին խոսում են արդեն բոլոր մասնագետները: Այդ ճգնաժամի կանխատեսումները հիմնված են ոչ թե քաղաքական գնահատականների, այլ նույն պետական Վիճակագրական ծառայության թվերի վրա, Կենտրոնական բանկի նախագահի մի շարք, կարելի է ասել, սկանդալային հայտարարությունների վրա՝ կապված վերաֆինանսավորման տոկոսադրույքի հետևողական նվազման հետ: Ես տնտեսագետ չեմ, չեմ ուզում այդ դաշտին մանրամասն անդրադառնալ, բայց կարող եմ ասել, որ քաղաքական պրոցեսների հիմքում ընկած են լինելու նաև տնտեսական խնդիրները, որոնց առնչվում է Հայաստանը»,- ասաց Աշոտյանը։
Մանրամասները՝ տեսանյութում:
