08.11.2024 | 18:49
Արդարադատության փոխնախարարը Մաթյո Մորիի հետ քննարկել է ՏԻՄ-երում կոռուպցիայի կանխարգելման ուղղությամբ բարեփոխումները
Թրամփին ռիցին պարունակող նամակ է ուղարկվել․ կասկածյալը ձերբակալվել է
Քաղաքականություն
21.09.2020 | 22:12
ԱՄՆ Բուֆալո քաղաքում ձերբակալվել է նախագահ Դոնալդ Թրամփին ռիցին պարունակող նամակ ուղարկելու մեջ կասկածվողը։ Այս մասին հայտնում է DW-ի ռուսական ծառայությունը՝ վկայակոչելով ԱՄՆ Մաքսային ու սահմանային հսկողության ծառայության ավագ սպա Աարոն Բոուքերին։
Նշվում է, որ կինը ԱՄՆ է ժամանել Կանադայից։ Կնոջը ձերբակալել են Սահմանային անվտանգության ծառայության աշխատակիցները։ Ամերիկյան լրատվամիջոցների փոխանցմամբ՝ կասկածյալը զինված է եղել։ Նրա արարքի դրդապատճառները պարզվում են։
Հետաքննչությունների դաշնային բյուրոյից հայտնել են, որ կասկածելի նամակը հայտնաբերվել է Սպիտակ տանն առընթեր գործող Փոստային վերահսկողության ծառայության կողմից։ Նամակն ուղարկված է եղել Կանադայից։
Հավելենք, որ 2018 թվականին էլ ԱՄՆ-ում ձերբակալվել էր ռազմածովային նավատորմի վետերան, որը նույնպես ռիցին պարունակող նամակ էր ուղարկել Դոնալդ Թրամփին ու նրա վարչակազմի անդամներին։ Նշենք, որ ռիցինը բուսական ծագման սպիտակուցային թույն է։
