24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Գլխավոր դատախազությունը պետք է վաղուց զբաղվեր Սերժ Սարգսյանի հայտարարությամբ. Արմեն Ռուստամյան
Քաղաքականություն
11.12.2017 | 11:37
Հայաստանի գլխավոր դատախազությունը պետք է արձագանքի նախագահ Սերժ Սարգսյանի՝ տեղական ինքնակառավարման և տարածքային կառավարման մարմիններին նվիրված խորհրդաժողովի ժամանակ արած հայտարարությանը: Այս մասին խորհրդարանական ճեպազրույցների ժամին պատասխանելով Factor.am-ի հարցին՝ ասաց հանրապետականի կոալիցիոն գործընկեր ԱԺ ՀՅԴ խմբակցության ղեկավար Արմեն Ռուստամյանը:
«Դա իրենց սրբազան պարտքն է, որը պարտավոր էին անել: Ինչո՞ւ չեն արել, որովհետև Հայաստանում եղել է անձակենտրոն համակարգ, և մարդիկ այդ մտածողությունից դեռ չեն ազատվել »,- պատասխանելով մեր հարցին՝ ասաց Արմեն Ռուստամյանը:
Ըստ պատգամավորի՝ Գլխավոր դատախազությունը լավ չի արել, որ մինչ այժմ չի զբաղվել համայնքապետերի չարաշահումներով:
«Սերժ Սարգսյանը երևի հորդորում է, որ այդ գործերն իսկապես իրենց ընթացքի մեջ մտնեն, սահուն անցում կատարենք այն համակարգին, որը գալու է: Հին մեթփոդներն ու կարգերը վերացել են, Հայաստանը նոր կյանքով է ապրելու: Սրա մասին է ասում Սերժ Սարգսյանը»,- շարունակեց Ռուստամյանը:
Մանրամասները՝ տեսանյութում:
Շողիկ Գալստյան
