06.10.2026 | 21:45
Հայկ Սարգսյանը և Ավետիք Օրդյանը հեռացվել են «Քաղաքացիական պայմանագիր» կուսակցությունից
Հստակ ուղերձ պետք է լինի թե՛ ներսի կինոարտադրողների, թե՛ դրսից ներդրողների համար․ Մխիթար Հայրապետյան. ՏԵՍԱՆՅՈՒԹ
Քաղաքականություն
18.09.2020 | 14:52
Առանձնահատուկ դրվատանքի խոսք եմ հղում ԿԳՄՍ փոխնախարար Արա Խզմալյանին շուրջ մեկամյա համագործակցության համար։ Ազգային ժողովում Կինեմատոգրաֆիայի մասին օրենքում փոփոխություններ կատարելու մասին նախագծի քննարկման ժամանակ այս մասին ասաց «Իմ քայլը» խմբակցության պատգամավոր, նախագծի համահեղինակ Մխիթար Հայրապետյանը:
«Մենք ԱԺ ենք գործուղվել արժեք ստեղծելու համար, այլ ոչ միայն մտահոգություններ արտահայտելու: Կա՞ն ավելի լավ կարծիքներ, խնդրեմ՝ արտահայտվեք: Իսկ ո՞վ է ասել, որ Մայր օրենքը պետք է իդեալական լինի, հավաստիացնում եմ՝ այս օրենքը դեռևս շատ փոփոխությունների է ենթարկվելու։ Հուսով եմ՝ փոխնախարարը կասի, թե ոնց է առհասարակ կինոն արժևորվում գործադիրի կողմից: Ինձ համար կինո ասվածը միայն մշակույթ չէ, այն նաև կրթական մեծ բաղադրիչ ունի… Կինոյի դերը տասնամյակներ շարունակ ստորադասված է եղել, որի արդյունքները մենք այսօր տեսնում ենք: Կինոյի ազդեցությունը չպետք է թերագնահատել, կինոն կարող է բարձրացնել հասարակություններին, կերտել հզոր քաղաքացու և, հակառակը, աղբամանից վերցրած կինոն ու սերիալները կարող են դեգրադացնել հասարակություններին»,- նշեց պատգամավորը:
Մխիթար Հայրապետյանը նաև ընդգծեց, որ ներկայացված նախագիծը հստակ ուղերձ պետք է ունենա թե՛ ներսի կինոարտադրողների, թե՛ դրսից ներդրողների համար:
Մանրամասները՝ տեսանյութում:
