08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ի՞նչ մասնակցություն եք ունեցել «Ա1+»-ի փակման գործում․ Սամսոնյանը՝ ՍԴ դատավորի թեկնածուին. ՏԵՍԱՆՅՈՒԹ
Հասարակություն
14.09.2020 | 11:56
«Լուսավոր Հայաստան» խմբակցության պատգամավոր Անի Սամսոնյանն այսօր ԱԺ-ում ՍԴ դատավորների թեկնածուների ընտրության հարցի քննարկման ժամանակ դիմելով ՍԴ դատավորի թեկնածու Երվանդ Խունդկարյանին՝ հարցրեց, թե նա ինչ մասնակցություն է ունեցել «Ա1+» հեռուստաընկերության փակման գործում:
Երվանդ Խունդկարյանը պատասխանեց, որ «Ա1+»-ի գործով ինքը հանդես է եկել որպես միանձնյա դատավոր, երբ աշխատել է որպես տնտեսական դատարանի դատավոր:
«Միանձնյա գործ քննելիս դատավորի թույլ տված խախտումերն են, որ որոշակի պատկերացում կարող են տալ այդ դատավորի մասնագիտական ունակությունների կամ վարքագծի վերաբերյալ, բայց ես զարմացած եմ տարբեր ԶԼՄ-ներով տարածված այն տեղեկության մասով, թե դատավոր Խունդկարյանը փակել է «Ա1+»-ը, և նրա թույլ տված սխալների հետևանքով է, որ «Մետեքս» ՍՊԸ-ն արդյունքում պետությունից որոշակի փոխհատուցում է ստացել։ Եթե նման հայտարարություններ են արվում, ես տարակուսում եմ՝ արդյո՞ք մարդիկ կարդացել են ՄԻԵԴ-ի այդ վճիռը, որտեղ ՄԻԵԴ-ը արձանագրել է, որ արդար դատաքննության խախտում տեղի չի ունեցել՝ Կոնվենցիայի 6-րդ հոդվածի խախտման տեսանկյունից, որ տնտեսական դատարանի վարքագիծը և գործողությունները եղել են օրինական, որովհետև տնտեսական դատարանն ինքը քննարկել է բոլոր կողմերի միջնորդությունները, պատճառաբանել է միջնորդությունների մերժումները և իր դատական ակտը, ավելին՝ ապահովել է «զենքերի հավասարության» սկզբունքը դատավորության ընթացքում»,- ասաց Երվանդ Խունդկարյանը:
Մանրամասները՝ տեսանյութում:
