29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ԵՄ-ն կես տարով երկարաձգել է ՌԴ-ի դեմ պատժամիջոցները․ ՌԴ ԱԳՆ-ն արձագանքել է
Քաղաքականություն
11.09.2020 | 18:19
Եվրամիությունը կես տարի ժամկետով երկարաձգել է ՌԴ-ի դեմ անհատական պատժամիջոցները։ Որոշումը հրապարակվել է Պաշտոնական ամսագրում և ուժի մեջ կմտնի սեպտեմբերի 12-ից, գրում է ՌԻԱ ՆովոստինԵրկարաձգվել են պատժամիջոցները այն «պաշտոնատար անձանց և կազմակերպությունների նկատմամբ, որոնք շարունակում են սպառնալ Ուկրաինայի տարածքային ամբողջականությանը, ինքնիշխանությանն ու անկախությանը»։
ԵՄ որոշման մեջ նշվում է, որ պատժամիջոցները կգործեն մինչև 2021 թվականի մարտի 15-ը։
Պատժամիջոցները նախատեսում են ուղևորությունների սահմանափակումներ և ԵՄ-ում ակտիվների սառեցում։ Դրանք կշարունակեն կիրառվել 175 անձանց և 44 կազմակերպությունների դեմ։
Նշենք, որ ՌԴ քաղաքացիների դեմ ԵՄ անհատական պատժամիջոցները սահմանվել են 2014 թվականի մարտից և կանոնավորապես կես տարով երկարաձգվում են։
ՌԴ ԱԳ նախարարությունը մեկնաբանել է Եվրամիության այս որոշումը։ ԱԳՆ պաշտոնական ներկայացուցիչ Մարիա Զախարովան հայտարարել է, որ «Եվրամիության պատժամիջոցների երկարաձգումը տեղավորվում է Ռուսաստանի հետ հարաբերությունների ապակառուցողական հռետորաբանության մեջ»։ Մոսկվան, միաժամանակ, ԵՄ-ին կոչ է արել հրաժարվել միակողմ սահմանափակումների քաղաքականությունից։
