19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Դատավորների կենսաթոշակը չի կարող պակաս լինել նրանց նախորդ 12 ամիսների աշխատավարձի 75 տոկոսից․նախագիծ. ՏԵՍԱՆՅՈՒԹ
Հասարակություն
11.09.2020 | 13:35
ԱԺ «Իմ քայլը» խմբակցության պատգամավորներ Արթուր Դավթյանը, Վլադիմիր Վարդանյանն ու Աննա Կարապետյանն առաջարկում են բարձրացնել դատավորների կենսաթոշակը։ ԱԺ պետաիրավական մշտական հանձնաժողովի այսօրվա նիստում պատգամավոր Արթուր Դավթյանը նշեց, որ դատավորներին կենսաթոշակի վճարման չափի, կարգի վերաբերյալ օրենքը Սահմանադրական դատարանի կողմից ճանաչվել է հակասահմանադրական։
«Այդ բացը կարգավորման անհրաժեշտություն ունի, և նախաձեռնել ենք օրենքում փոփոխություն կատարել։ Դատական օրենսգրքի 57-րդ հոդվածն առաջարկում ենք լրացնել հետևյալ կերպ, որ դատավորի կենսաթոշակի չափը չի կարող պակաս լինել նրա՝ որպես դատավոր պաշտոնավարումը դադարելուն նախորդող 12 ամիսների ընթացքում հաշվարկված աշխատավարձի 75 տոկոսից»,- ասաց Արթուր Դավթյանը։
Նրա խոսքով՝ նախկինում եղել է 55 տոկոս, այսինքն՝ այս դեպքում ավելանում է:
Աշխատանքի և սոցիալական հարցերի փոխնախարար Սմբատ Սաիյանը հավելեց, որ այս պահին ունենք մոտ 77 դատավոր, որոնք կենսաթոշակ են ստանում:
Մանրամասները՝ տեսանյութում։
