12.10.2026 | 15:18
«Եթե ընդամենը 5000 ընտանիք է բնակարան ձեռք բերել, ո՞ւր է ծախսվել 250 մլն դոլարը»․ Աննա Գրիգորյան․ ՏԵՍԱՆՅՈՒԹ
Կոլեսնիկովան իշխանության զավթման կոչերի քրգործով որպես կասկածյալ է ներգրավված
Քաղաքականություն
09.09.2020 | 17:54
Բելառուսական ընդդիմության Համակարգող խորհրդի նախագահության անդամ Մարիա Կոլեսնիկովան որպես կասկածյալ անցնում է իշխանության զավթման հրապարակային կոչերի քրեական գործով։ ՏԱՍՍ-ին այս մասին ասել է Կոլեսնիկովայի փաստաբան Լյուդմիլա Կազակը։
«Դա հայտնի դարձավ այսօր, իմ պաշտպանյալին այցելությունից և գործի նյութերին ծանոթանալուց հետո»,- ասել է Կազակը։
Նա հավելել է, որ Կոլեսնիկովան «մարտական տրամադրություն» ունի, շարունակում «նույն դիրքորոշումն ունենալ, ինչ նախկինում»։
Հիշեցնենք, որ Մարիա Կոլեսնիկովան Մինսկի թիվ քննչական մեկուսարանում է։ Երեքշաբթի Բելառուսի պետական սահմանային կոմիտեն հայտնել էր, որ ընդդիմադիր գործիչը ձերբակալվել է Ուկրաինայի հետ սահմանը անօրինական հատելու փորձի ժամանակ, որտեղ եղել է Համակարգող խորհրդի մամուլի քարտուղար Անտոն Ռոդնենկովի և գործադիր քարտուղար Իվան Կրավցովի հետ։
Օգոստոսի 19-ին Բելառուսի Գլխավոր դատախազությունը քրեական գործ է հարուցել պետական իշխանության զավթման հրապարակային կոչերի հատկանիշներով։ Այս արարքի համար առավելագույնը հինգ տարի ժամկետով ազատազրկում է նախատեսվում։
