08.04.2026 | 20:09
Պարույր Հայրիկյանն ու Վարդան Ղուկասյանը միասին են մասնակցելու ընտրություններին
Դատավորի թեկնածուները հոգեբանական թեստ կանցնեն, որը կպարզի՝ ունա՞կ են դատավոր աշխատել, թե՝ ոչ. ՏԵՍԱՆՅՈՒԹ
Հասարակություն
09.09.2020 | 18:47
Դատավորի պաշտոնում նշանակվելու կարգը բարդացվում է։
Բարձրագույն դատական խորհուրդը հաստատել է դատավորի թեկնածուների հավակնորդների հոգեբանական թեստավորման չափանիշները և անցկացման նոր ձևը։ Այսուհետ դատավորների հոգեբանական պատրաստվածությունը կստուգվի ոչ թե «ոտքի վրա» տասը րոպեում, այլ ավելի խիստ և համապարփակ մեթոդով․ թեստավորման տևողությունը սահմանվելու է 6 ժամ։ Թեստերի արդյունքները հրապարակման ենթակա չեն լինի։ Հարցազրույցից հետո դրանք մեկ ամիս պահպանվում են դատական դեպարտամենտում, այնուհետև ոչնչացվում։ Այս փոփոխությունը, սակայն, արդեն իսկ գործող դատավորների վրա չի անդրադառնալու։
ԲԴԽ անդամ Հայկ Հովհաննիսյանը կարծում է, որ այս կարգավորման ներդրումը կնպաստի դատական համակարգում դատավորների մասնագիտական որակի բարձրացմանը։ Թեստավորումն անց է կացվելու թեկնածուների հավակնորդների հարցազրույցից առաջ՝ հինգ օրվա ընթացքում։ Թեստավորման սենյակում կարող են գտնվել արդարադատության ոլորտում կառավարության քաղաքականությունը մշակող և իրականացնող նախարարի մեկ ներկայացուցիչ, Փաստաբանների պալատի ներկայացուցիչ երկու փաստաբան և ՀԿ-ների ներկայացուցիչներ։
ԲԴԽ անդամները ակնկալում են, որ դատավորների հաջորդ ընտրությունը, որը կկայանա առաջիկա ամիսներին, կկատարվի արդեն այս նոր մեխանիզմով։
Մանրամասները՝ տեսանյութում։
Լիլիթ Շաբոյան
