08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պատվերով գործողությունները և լրատվությունը տարբեր բաներ են․ առաջարկվում է բարձրացնել զրպարտության և վիրավորանքի համար փոխհատուցման չափը. ՏԵՍԱՆՅՈՒԹ
Հասարակություն
07.09.2020 | 12:31
ԱԺ պետաիրավական հարցերի մշտական հանձնաժողովի նիստում, ի թիվս այլ հարցերի, քննարկվում է ՀՀ քաղաքացիական օրենսգրքում փոփոխություններ կատարելու մասին օրենքի նախագիծը: Նախագիծը ներկայացվել է ԱԺ փոխնախագահ Ալեն Սիմոնյանի կողմից:
Նոր օրինագծով առաջարկվում է բարձրացնել զրպարտության և վիրավորանքի համար նախատեսված փոխհատուցման չափը:
«Խոսքը վերաբերում է ՀՀ 1998թ. մայիսի 5-ին ընդունված ՔՕ 1087 հոդվածի 7-րդ կետի առաջին մասում փոփոխություններ կատարելուն»,- նշեց Ալեն Սիմոնյանը։
Նրա խոսքով՝ վիրավորանքի դեպքում անձը կարող է դատական կարգով պահանջել հետևյալ միջոցներից մեկը կամ մի քանիսը, այդ թվում՝ սահմանված նվազագույն աշխատավարձի մինչև 1000-ապատիկի չափով փոխհատուցում վճարել. ներկայացված օրենսդրական նախաձեռնությամբ առաջարկվում է փոխհատուցման չափը դարձնել աշխատավարձի 5000-ապատիկի չափով: Նույն հոդվածի 8-րդ կետով սահմանված է, որ զրպարտության դեպքում անձը կարող է դատական կարգով պահանջել հետևյալ միջոցներից մեկը կամ մի քանիսը, այդ թվում՝ սահմանված նվազագույն աշխատավարձի մինչև 2000-ապատիկի չափով փոխհատուցում վճարել, առաջարկվում է փոխհատուցման չափը դարձնել 10000-ապատիկի չափով:
Մանրամասները՝ տեսանյութում:
